If Only

Chapter 44

"Chenen!"

Napatawa si Kath sa inasta ng boyfriend. Kasalukuyan nitong inilapag sa mesa ang pagkaing niluto nito para sa kanilang hapunan.

"Wow! Mukhang masarap ito," nakangiting wika niya. "Hmm... ang bango pa!"

Natawa si Daniel. "Thank you. Actually, isa iyan sa mga paborito kong ulam."

"Talaga?"

Tumango-tango lang ito habang kumukuha ng isang pinggan. Saka ito umikot para tumabi sa upuan niya at inilapag ang pinggan sa harapan niya.

"Teka," nagtatakang sabi niya. "Nasaan na ang plate mo?"

Ngumiti ito. "Share nalang tayo."

"Bakit?"

Bakit hindi?"

Tumaas ang isang kilay niya. "Hmm. Alam mo, ikaw? Nananantsing ka lang, eh."

Tumawa lang ito. "Sus. Ito naman. Pakipot ka pa kasi, eh."

"At ako pa daw ang may kasalanan!"

Mas lalong natawa ito, kaya ay natawa na rin siya. Nagsandok ito ng kanin at inilagay sa pinggan nila.

"Teka, magka-kamay lang tayo?"

Tumango ulit ito. "Mas masarap kamayin ang adobong baboy with garlic, eh."

"Ha?" nakakunot-noong wika niya. "Eh, hindi ako marunong magkamay."

Halatang nagulat ito. "Talaga?"