If Only

Chapter 19

"Welcome to Palawan!!" sigaw ni Mike na nasa tabi lang niya.

Natawa lang siya dito. Para kasi itong batang binigyan ng lollipop. Ang saya-saya lang.

"First time kong makapunta ng Palawan and I am sooo egzoited!!" patuloy pa nito na ginaya pa talaga si Eugene Domingo sa pelikula nitong "Kimmy Dora". Kaya ay lalo tuloy siyang napatawa.

"Hoy, Mike! Tigilan mo na nga iyan! Para kang timang diyan, eh," natatawang sita ni Vicky dito.

Umirap naman ito. "Pabayaan niyo nalang nga ako. Eh, sa masaya ako, eh. Bakit ba?"

Nakangiting napailing nalang siya. Ito talagang si Mike.

"Ikaw, Kath? Anong nangyari sa iyo? Nang nasa Manila pa tayo, mas kunot pa sa bunot iyong hitsura mo. Pero ngayong nandito na tayo sa Palawan, mas maaliwalas pa sa umaga ang hitsura mo. Anyare, ha? May nangyari sa inyo ni fafah Daniel ano?" wika ni Mike na tinukso-tukso pa talaga siya.

"Ha?" pa-inosenteng wika niya. "Ako na naman ang nakita mo."

"Asus! In denial pa si bebe Kath. Anong nangyari sa inyo ni Daniel, ha? Sabihin mo sa akin!" Iniyugyog pa ni Mike ang mga balikat niya pero ang tawa lang niya ang nakuha nitong sagot mula sa kanya.

Nakarating na sila sa Palawan. Advance nang forty five minutes ang arrival nila kaya'y may panahon pa silang mag-relax bago mag-set up para sa taping nila. They were to stay in one of the hotels in Puerto Princesa before they head off to Ursula Island to shoot their stranded scenes.

"Ah, nasaan na pala si DJ?" natanong niya bigla.

Hindi niya kasi ito makita. Kanina lang, nang nag-landing na ang plane sa airport, sabay pa silang bumaba ng plane. Nang nasa baggage check-out area lang sila nagkahiwalay dahil nilapitan ito ni Danna. Kaya humiwalay nalang siya sa mga ito at pinuntahan sila Mike at Vicky. Maiinis lang siya sa mga ito kapag nagkataon.

Bipolar din yata ako. Tama nga naman si Mike. Before they left Manila, kulang nalang ay umusok ang bumbunan niya dahil sa inis. Pero nang dumating na siya sa Palawan, daig pa niya ang nanalo ng milyon-milyon sa lotto.