🌼 Sumairu 🌼 (Completed)

အပိုင်း ၃၈ (အပိုင္း ၃၈)

Unicode ***

ထယ်ယောင်း၏ Dating သတင်းနှင့် ဓာတ်ပုံများက အွန်လိုင်းစာမျက်နှာတွင် နေရာယူလျက်ရှိနေသည်။
ကားထဲတွင် ထယ်ယောင်းနှင့် အမျိုးသားတစ်ဦး နမ်းနေသည့်ပုံများ၊ အတူလက်တွဲကာ တိုက်ခန်းပေါ်သို့ တက်သွားသည့်ပုံများ၊ စျေးဝယ်ထွက်သည့်​ပုံများ...တို့ဖြင့် သတင်းကြီးလျက်ရှိသည်။ မှတ်ချက်ပေါင်းများစွာဖြင့် ဝေဖန်ခံနေရပြီး ထယ်ယောင်း..ဖန်တချို့၏ဒေါသနှင့်အတူ anti-fan များ၏ လှုံ့ဆော်မှုကြောင့်လည်း ဝေဖန်တိုက်ခိုက်မှုများက မြင့်တက်လာလေသည်။

မီယောင်း လက်ထဲက ဖုန်းအားချကာ ထယ်ယောင်းထံသို့ကြည့်လေသည်။

"အဲ့သတင်းတွေက အမှန်ပဲလား ထယ်ယောင်း''

ထယ်ယောင်း ထိုင်ခုံမှ ဘေးဘက်ပြူတင်းပေါက်ဆီသာ ငေးကြည့်ရင်း မီယောင်းအား ခေါင်းငြိမ့်ပြသည်။ မီယောင်းအဆုံးထိတွေးထားသော်လည်း ထယ်ယောင်း၏ ဝန်ခံမှုကြောင့် စွံ့အနေမိသည်။ သူမ ဆယ်နှစ်ကြာအောင် ပျိုးထောင်လာခဲ့သည့် မော်ဒယ်လ်မင်းသား မဟုတ်လား။ ထယ်ယောင်း အောင်မြင်ဖို့အတွက် သူမ အစွမ်းကုန်ဖြည့်ဆည်းခဲ့သည်။ မီယောင်းနှင့် ထယ်ယောင်း ဆက်ဆံရေးမှာ မိသားစုဝင်ကဲ့သို့ပင်ဖြစ်နေသည်မို့ မီယောင်းအတော်ပင် စိတ်ရှုပ်ထွေးသွားသည်။

"မင်းနဲ့ မိုက်ကယ်လ် မဟုတ်လား.. ဓာတ်ပုံတွေထဲမှာ မိုက်ကယ်လ် ကို လူတွေမသိပင်မယ့် မင်းက Public figure ဆိုတော့ အကုန်သိသွားကြပြီ''

မီယောင်းမှ တဆက်တည်း ဆက်ပြောလေသည်။

"လောလောဆယ် ထယ်ယောင်း အပြင်မထွက်နဲ့ အတတ်နိုင်ဆုံး ဟိုတယ်မှာဖြစ်ဖြစ် ခဏရှောင်နေ..မင်းနောက်ကို ပါပါရာဇီတွေလိုက်နေမှာ...မင်း ဂျုံးကု နဲ့လည်း မတွေ့နဲ့ ဦး...အမကုမ္ပဏီဘက်က လုပ်စရာရှိတာတွေ ဆက်လုပ်ပေးမယ်''

ထယ်ယောင်းကတော့ ငြိမ်သက်နေဆဲပင်....ထိုစဥ် မီယောင်းထံသို့ ဖုန်းကောလ်များ ဆက်တိုက်ဝင်လာခေသည်။

"ဟယ်လို''

"အမမီယောင်း ရေ ကျွန်မတို့ မင်းသား ထယ်ယောင်းနဲ့ ရိုက်ကူးမယ့် ကြော်ငြာကို ဆက်မလုပ်တော့ဘူး..အမတို့ဘက်က ကြော်ငြာမော်ဒယ်လ် လဲပေးပါ... စာချုပ်ကိစ္စကအမနဲ့ လူချင်းတွေ့ပြီး ပြောမယ်''
. . . . . . . . .
"ဟယ်လို....ကျွန်တော်တို့ ကြော်ငြာဆိုင်းဘုတ်ကို Customer တွေ ဖြုတ်ခိုင်းနေပြီ... ဘယ်လိုလုပ်မလဲဗျ...ခင်ဗျားတို့ အေဂျင်စီက တခုခုဖြေရှင်းပေးပါဦး''
. . . . . . . . .
"တီ.....တီ.....တီ......''
. . . . . . . . .