🌼 Sumairu 🌼 (Completed)

အပိုင်း ၃၅ (အပိုင္း ၃၅)

တစ်ရက်ပြီးတစ်ရက် ထယ်ယောင်း၏ ရင်ခုန်သံများမှာ ဂျုံးကုကြောင့်သာ လှုပ်ခတ်နေခဲ့ရသည်။
ထယ်ယောင်းစိတ်ချမ်းသာနေမိသည်မှာ ဒီရက်ပိုင်းအတွင်း သူနှင့် ဂျုံးကု၏ အချစ်ခရီးလမ်းလေး အစပျိုးချိန်ဖြစ်နေ၍လား သူ မသိ။ ကြည်နူးစွာ ပျော်ရွှင်နေမိသည်မှာ ထယ်ယောင်း ကိုယ်တိုင်အသိဆုံးပင်။

ဂျုံးကု၏ မျက်ဝန်းများနှင့်ဆုံတိုင်း ထယ်ယောင်းစိတ်လွတ်စွာ ငေးမောကြည့်မိသည်။ ဂျုံးကု မျက်ဝန်းများက သူ့အား မည်မျှချစ်ကြောင်း လေးနက်သော လင်းလက်သော အကြည့်များက သက်သေပြနေသည်ကို ထယ်ယောင်း အမြဲခံစားရသလိုပင်။ ချစ်တယ် ဆိုသည့်စကားကိုလည်း ဂျုံးကု တဖွဖွ ပြောတတ်သေးသည်။ ဂရုစိုက်မှု၊ ကြင်နာမှုများက အရင်နှင့် ပြောင်းလဲသွားခြင်းမရှိ၊ ပို၍ တိုးလာနေဆဲပင်။ ဤမျှ သူ့အပေါ်လေးနက်သည့် ဂျုံးကု၏ အချစ်များက ပျော်ရွှင်စေရသလို တဖက်တွင်လည်း ထယ်ယောင်းအား ကိုယ့်ကိုယ်ကို မကျေမနပ်ဖြစ်စေသည်။
*ဂျုံးကု ၏ ခံစားချက်များကို လေးနက်စွာ ပြန်ပေးမိပါရဲ့လား *

"ဂျုံးကု... အကို့ ဇာတ်လမ်းတွဲ ရိုက်ပြီးသွားရင် ခရီးထွက်ရအောင်...မင်းနဲ့အတူ သွားချင်တယ်''

ဂျုံးကု လက်ထဲက စာရွက်စာတမ်းများအား ချရင်း ထယ်ယောင်းဘက်သို့ ကြည့်လိုက်သည်။

"Hyung ဘယ်သွားချင်လဲ... Europe ဘက်သွားကြည့်ချင်လား..Hyung မရောက်ဖူးသေးဘူးဆို''

"အင်း''

............

ထယ်ယောင်း လက်ရှိရိုက်ကူး ထုတ်လွှင့်နေသော ဇာတ်လမ်းမှာ ရိုက်ကွင်း ပြီးဆုံးခါနီးဖြစ်သည်။ ဇာတ်လမ်းတွဲက ပရိသတ်အားပေးမှု အခိုင်အမာရရှိလာသည်နှင့်အမျှ ပရိုမိုးရှင်းပွဲများ၊ ကြော်ငြာများ၊ ပရိသတ်နှင့်တွေ့ဆုံပွဲများ၊ ရေဒီယို အစီအစဉ် များ တို့တွင် ပါဝင်ဆောင်ရွက်လာရသည်။

"အမမီယောင်း...ဒီနေ့ ကျွန်တော် ရေဒီယို အစီအစဉ် အတွက် သွားပေးရဦးမှာ မဟုတ်လား''

"ဟုတ်တယ် ထယ်ယောင်း ညနေ ၄ နာရီ.. အမတို့ XX FM Studioကို သွားရမယ်''