Unicode...
"မင်းဟာက လွန်လွန်းတယ်မထင်ဘူးလား"
"ဟင့်အင်း"
ရန်ရန်ဆိုသည်မှာလည်း ဟိုချာတိတ်နဲ့ပေါင်းလို့များလားမသိ...ရွဲ့တတ်လာပြီ။ ကူညီပေးမဲ့လူကို ကူညီချင်စိတ်ရှိအောင် ပြန်ပြောမယ်မရှိဘူး။ ခေါင်းတရမ်းရမ်းနဲ့ ဟင့်အင်းတဲ့။ ကိုယ့်ညီသာမဟုတ်ရင် နေရာမှာတင် ဆွဲထိုးပစ်လိုက်ပြီ။
"ငါမကူညီတော့ဘူးဆိုရင်ရော"
"မရပါဘူး...ကူညီရမှာ...ကိုဉာဏ့်ကိုဂစ်တာတီးသင်ပေးထားတယ်လေ"
"အေးမသင်တော့ဘူး...ကူလည်းမကူညီတော့ဘူး ဒါပဲ"
ထိုသို့အပြတ်ပြောလိုက်မှ ယုံကြည်မှုတစ်ခွဲသားမျက်နှာဖောင်းဖောင်းဟာ ပိန်လှီသွားသလို၊ နှုတ်ခမ်းကြီးဆူလာပြီး ငိုမဲ့မဲ့နှင့်။ အဲဒါနဲ့မပြီးသေးဘဲ ကုတင်အောက်ကိုဆင်းထိုင်လျက် မျက်မှန်ချွတ်ပြီး မျက်လုံးကို ခဏခဏပွတ်နေလေသည်။ ကုတင်ဘေးတွင် ဂွမ်းစောင်ထူကြီး ပုံကျထားသကဲ့သို့ လုံးလုံးထုပ်ထုပ်နှင့် ဝမ်းနည်းနေပါသော ရန်ရန်။
ဆက်ဉာဏ် ကုတင်ပေါ်ကနေ မကြည့်ရက်တော့စွာ သက်ပြင်းချပြီး ဂစ်တာကိုကောက်ကိုင်လိုက်သည်။ မနေ့ကသင်ထားသော C chordကိုအစီအစဉ်တကျဖိလိုက်ပြီး တစ်ချက်တီးလိုက်သည်။
"ကဲ ကဲ..ငိုမနေနဲ့တော့..မနက်ဖြန်ကျောင်းကိုလိုက်ခဲ့မယ်"
ထိုစကားသံအဆုံး ငေါက်ခနဲမော့ကြည့်လာပါသော မျက်နှာဖောင်းလေး။ မျက်ရည်လည်းမထွက်ပါဘဲ ပွတ်ထားတာ မျက်လုံးကိုနီလို့။ ဆက်ဉာဏ် အမြင်ကပ်စွာ သူ့ကိုဆက်မကြည့်တော့ဘဲ C chordကိုသာ တရစပ်တီးနေလိုက်သည်။
"ဟီးဟီးကျေးဇူး ကိုဉာဏ်"
"ဟမ့်...အော်စကာရလောက်ပါတယ်"
"ဟီးဟီး...ဒါနဲ့လေ ကိုဉာဏ် လက်ကွက်မှားနေတယ်"
ယုံကြည်မှုအပြည့်နှင့် တီးလိုက်သော်လည်း အခုလိုအပြောခံရတော့ နည်းနည်းအောင့်သက်သက်ဖြစ်သွားရသည်။
ESTÁS LEYENDO
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
Ficción Generalသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
