Unicode...
အတန်းမရှိသောအချိန်များတွင် ခန့်ပိုင် Dance Club၌ လေ့ကျင့်ဖြစ်သည်။ တစ်ခါတရံ Trainerအစ်ကိုနှင့်ကြုံပါက ထိုအစ်ကိုက trainပေးလေ့ရှိသည်။
"မဟုတ်သေးဘူး ပိုင်ပိုင်...ဒီလိုမျိုး...ဒီလိုမျိုး...လက်က တအားအောက်မကျစေနဲ့ Ok"
လေ့ကျင့်သောနေရာ၏ အခန်းထောင့်တွင် မှုန်ကုပ်ကုပ်နှင့်ထိုင်နေသော ဟိဏ်းဆက်ဉာဏ်မှာ နှာတိုမျက်မှေးကို ဟိုကိုင်ဒီကိုင်လုပ်နေခြင်းအား သဘောမကျချေ။ ထိုအစ်ကိုနှင့်ချာတိတ်က ဘယ်လောက်ရင်းနှီးတာမို့ ပိုင်ပိုင်လို့ခေါ်ရတာလဲ။ ဒါကိုလည်း ဘဝင်မကျလှပေ။
သို့သော် အကကျင့်နေသူကတော့ ဆက်ဉာဏ်ကိုအာရုံထဲပင်ရှိတယ်မထင်။ ကမြဲကနေ၏။ ဆက်ဉာဏ် မျက်နှာကိုဆူပုတ်ကာ နံရံဘက်ကိုလှည့်ထိုင်လိုက်သည်။ အဲလောက်တောင် ကချင်တဲ့အကောင် ကစမ်းပါလေ။
တစ်နာရီပြည့်ပြီးသော် Trainerအစ်ကိုလည်း အတန်းရှိသေးသည်ဆို၍ နားလိုက်ကြသည်။ ခန့်ပိုင် သူ့အင်္ကျီများနှင့်ရေဘူးကို ကိုသရက်သီးအား ပေးထားသော်လည်း အခုကြည့်လိုက်တော့ သူ့ပစ္စည်းများနှင့် ကျေးဇူးရှင်က ယူဇနာတစ်ရာဝေးကွာနေလေသည်။
ခန့်ပိုင် စိတ်ဆိုးသွားပြီး ရေသောက်အမောဖြေပြီးနောက် နံရံဘက်လှည့်ကာ ဂိမ်းဆော့နေသောကိုသရက်သီးဆီ ချဉ်းကပ်လိုက်၏။
"အဟမ်း...ကိုယ့်ရည်းစားရဲ့ပစ္စည်းတွေကို အဲသလိုပစ်ထားရလား...တာဝန်ယူချင်တဲ့စိတ် တစ်စက်ကလေးမှမရှိတာပဲ"
ဆက်ဉာဏ် သူ့ပြောနေသည်ကို သဘောပေါက်တာကြောင့် ဖုန်းကိုပိတ်လိုက်ကာ လက်ပိုက်မတ်တပ်ရပ်နေသော နှာတိုမျက်မှေးကိုမျက်စောင်းထိုးလိုက်သည်။
"ဘယ်တုန်းက မင်းကငါ့ရည်းစားဖြစ်သွားရတာလဲ"
ခန့်ပိုင် စိတ်တိုရပြန်သည်။ အခုထိမတိုးတက်သေးသောအခြေအနေကြီးကိုလည်း စိတ်ကုန်လှပြီ။ အဖြစ်မရှိသောကိုသရက်သီးကိုလည်း အူယားနေပြီဖြစ်၏။
ŞİMDİ OKUDUĞUN
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
Genel Kurguသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
