​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Ending

Unicode...

"One... two... three go!"

အစ်ကို့ရဲ့တိုင်ပင်​ခေါ်သံအဆုံး ထက်ရန်ရင်ခွင်ထဲပိုက်ထား​သောဂစ်တာကို စတီးလိုက်သည်။ အစ်ကိုက ​​​ပေါင်ကိုပုတ်၍ စည်းဝါးကိုက်​ပြီး First verse​ရောက်တဲ့အထိ ​စောင့်​နေ၏။

Intro သံစဉ်​အေး​အေး​လေးအဆုံး အစ်ကိုကသီဆို​​တော့မည်ဖြစ်​ကြောင်း လက်​ဖြောက်တီးပြီး အချက်ပြသည်။

🎶 Under a dark blue sky...
တည်ငြိမ်စွာရှိ​သော ​တောင်တန်းများဝန်းရံ...
On the cliffside, just you and I...
အပူအပင်မရှိဘဲ လွတ်လပ်စွာ ဖန်တီးမယ်...
မင်းသိပ်ချစ်တဲ့...Ohh...ငါမြတ်နိုး​သော...
ဒီသံစဉ်နဲ့အတူ ကိုယ်တို့စီး​မြောမယ် 🎶

🎶🎶🎶🎶🎶

"Yes!!"

သီချင်းတစ်ပုဒ်လုံးဆုံးသွား​တော့ ​နှစ်​ယောက်သား လက်ဝါးရိုက်ကာ ​အောင်ပွဲခံကြသည်။ ဒီ​လောက်ဆို စင်​ပေါ်မှာ ​ဖျော်​ဖြေဖို့ အဆင်သင့်ဖြစ်​လောက်ပါပြီ။ အဝတ်အစားနှင့် ဂစ်တာတို့ကိုလည်း ချွတ်ယွင်းချက်မရှိ​အောင် အထပ်ထပ်အခါခါစစ်​ဆေးထား​​သော်လည်း စင်​ပေါ်တက်ခါနီးတွင် ပြန်၍စစ်​ဆေးကြည့်သည်။

အစ်ကိုက​တော့ Clubဥက္ကဌဖြစ်တာ​ကြောင့် ​နောက်ဆုံးအကြိမ် Rehearsal လုပ်ပြီးကတည်းက မ​တွေ့ရ​တော့။ ​ဟိုသွားဒီလာနှင့် အလုပ်ရှုပ်​နေပြီး ပွဲမစခင်အထိ အစ်ကိုကမအားမလပ်ရှိနေဦးမည်ဖြစ်သည်။

"​ဟေး...ထက်ရန်...ထက်ရန်...ငါတို့ဒီမှာ"

ရှုပ်ယှက်ခတ်​နေ​သော စင်အ​နောက်ဘက်တွင်ရှိ​နေ​သော ထက်ရန်ကို မရရ​အောင် လာရှာသည့် အတွဲတစ်တွဲ။ ကိုဉာဏ်ဆိုသည်မှာလည်း ခန့်ပိုင်နှင့်တွဲပြီးကတည်းက ငြိမ်ကုတ်သွားသည်။ ရန်ဖြစ်ဖို့​ဝေး၊ သူ့ကိုအူတို​ပြီး တခြားလူ​တွေကိုရန်ပတ်ရှာ​နေ​သော ခန့်ပိုင်ကို ဆွဲရတဲ့အလုပ်ကို အမြဲတမ်းလိုလိုလုပ်​နေရ၏။

အခုလည်း စပ်စလူး​စိန်က ကိုဉာဏ့်ကိုအတင်းဆွဲ​ခေါ်ပြီး ထက်ရန်ရှိသည့်​နေရာကို တိုး​ဝှေ့​ရောက်လာသည်။

"Fighting ​ယောက်ဖ...ကိုZetty​ရော...မင်းတို့​သေချာတိုက်ထားတယ်မလား"