​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Extra-10 (Ending)

Unicode...

Ice-cream bar တစ်ခုသို့​ရောက်ပြီဖြစ်သည်။ Barထဲဝင်ဝင်ချင်း ညိမ့်​ညောင်း​သောသီချင်း​သံတိုးတိုး​လေးက လွင့်ပျံလာ၏။ ​နေ့လည်ပိုင်းဖြစ်သဖြင့် ဧည့်သည်များသိပ်မရှိ။ barကနှစ်ထပ်ဖြစ်သဖြင့် အ​​ပေါ်ထပ်သို့တက်ခဲ့ကြသည်။ အ​ပေါ်ထပ်တွင်​တော့ ဝန်ထမ်းနှစ်​ယောက်သာရှိပြီး ရှင်းလင်း​နေ၏။ ​တစ်ဝိုင်းနှင့်တစ်ဝိုင်းကို အ​နောက်မှီလို့ရသည့် ဆိုဖာ​ထိုင်ခုံကြီးများနှင့် ခြားထားသည်။ ​ဆိုင်အပြင်အဆင်မှာလည်း ​သေသပ်သန့်ရှင်းလှပြီး အ​ပေါ်တွင်စွဲထား​သော မီးဆိုင်းများမှာ ​နေ့ခင်းမှာပင် ရှုမငြီးနိုင်ဖွယ်ဖြစ်သည်။

ထွန်းသစ်စ ​ကောက်ညှင်းထုပ်​လေးလက်ကိုဆွဲကာ ထောင့်စွန်းဝိုင်း၌ နှစ်​ယောက်အတူတူ တစ်ဖက်တည်းတွင်ဝင်ထိုင်လိုက်သည်။ ထိုင်လိုက်ပြီး​နောက် ဝန်ထမ်းတစ်​ယောက်က Menu cardများလာ​ပေးသည်။

Ice-cream barဖြစ်၍ ​ရေခဲမုန့် မျိုးစုံ​က​တော့ Menuထဲတွင် ​နေရာအပြည့်ယူထား၏။ အခြားစား​သောက်ဖွယ်များလည်း မှာယူလို့ရသည်။ Marshmallow အသည်းပုံက​လေးများ ကပ်ထားသည့် Chocolate Bingsu  တစ်ပွဲနှင့် ​ရေသန့်တစ်ဘူးမှာလိုက်သည်။

ထက်ရန်မှာ ဆိုင်ထဲဝင်စ ဝန်ထမ်း​တွေနှုတ်ဆက်ကြ၍ ရယ်​ကြောကို ခဏဖိနှိပ်ထားရခြင်းဖြစ်သည်။ ​ဘေးနားကဝန်ထမ်း​ကောင်​လေးထွက်သွား​တော့ ထိုအ​ကြောကိုပြန်လွှတ်ချ​လေ၏။ ​ချွေးသုတ်​နေသည့်အစ်ကို့ကိုကြည့်ပြီး ပါးစပ်ကိုအုပ်ကာ ရယ်ပြန်သည်။

ထွန်းသစ်စ ​လေပြင်းတစ်ချက်မှုတ်ထုတ်ကာ ​ထောင့်မှာကပ်​၍ တခိခိ​ဖြစ်နေ​သော ​ကောက်ညှင်းထုပ်ကို ဆွဲခွာပြီး ဒင်းက​လေးမျက်နှာကို ရင်ဘတ်​ပေါ် ​မှောက်ပစ်လိုက်သည်။ အနှီ​ကောက်ညှင်းထုပ်က​တော့ အရယ်မရပ်​သေး။