Unicode...
အဖေ့ဆီကခွင့်ပြုချက်နဲ့ ကိုယ်တိုင်ကားမောင်းပြီး မေမြို့ကိုတက်ဖြစ်သည်။ စိတ်ကူးထဲမှာတော့ ကောက်ညှင်းထုပ်လေးလက်ကိုကိုင်ကာ သီချင်းသံတိုးတိုးဖွင့်ပြီး ကားမောင်းနေခြင်းဖြစ်သည်။ လက်တွေ့တွင်တော့ အနောက်က ကျေးဇူးရှင်နှစ်ယောက်က တော်ရုံနှင့်အငြိမ်မနေ။ သူဖွင့်သမျှသီချင်းကိုလည်း အာပြဲကြီးနှင့်လိုက်ဆိုကြသေးသည်။
နှစ်ယောက်သားလက်ရိုက်ကြေးဆော့လိုက်၊ မုန့်စားလိုက်နှင့် နာရီပိုင်းသာကြာသောခရီးစဉ်တွင် မရိုးရအောင်လုပ်ပြနေကြ၏။ ကောက်ညှင်းထုပ်လေးကတော့ အနောက်ကနှစ်ယောက်ကို နောက်ကြည့်မှန်ကနေကြည့်ပြီး မျက်စောင်းထိုးတာအခါခါ။
မနက်စောစောထွက်လာပြီး မနက်ခင်း၉နာရီလောက်တွင် မြို့အဝင်ကိုရောက်သည်။ သင်္ကြန်ရက်ဖြစ်သဖြင့် သူသူငါငါ လည်ကြ၊ ရေပက်ကြသူများနှင့် စည်ကားနေသည်။ အဖေ့ခြံက မြို့စွန်နားမှာပဲမို့ အကြာကြီးထပ်မမောင်းလိုက်ရ။ ရောက်ရောက်ချင်း အထုပ်တွေချ၊ အခန်းခွဲပြီး အနားယူကြသည်။
ဖုန်အလိမ်းလိမ်းတင်နေသောနှစ်ထပ်အိမ်ကြီးထဲ မထိုင်ချင်ကြတာမို့ ခြံအပြင်ဘက်တွင် လေးယောက်သား မြက်ခင်းပေါ်သာ ထိုင်ဖြစ်ကြ၏။
"အိမ်သန့်ရှင်းရေးလုပ်ရဦးမှာပဲ"
မြက်ခင်းပေါ်အပုံလိုက်ထိုင်ချသော ကောက်ညှင်းထုပ်လေးက ညစ်ကျံနေသောအိမ်ကိုကြည့်ပြီး ညည်းညူရှာသည်။ ထွန်းသစ်စ နှာခေါင်းလုံးလေးကိုဆွဲလိုက်ပြီး...
"မလုပ်ရပါဘူးဗျာ...ကလေးလေးက ထိုင်နေပါ...ခန့်ပိုင်တို့နဲ့ ဟိုနားဒီနားသွားချင်လည်းသွား...ကိုလုပ်ထားလိုက်မယ်"
"အာ မဟုတ်တာ အစ်ကိုကလည်း ကျွန်တော်တို့လည်းနေမှာကို ကျွန်တော်တို့ပါလုပ်ရမှာပေါ့...အိမ်အကြီးကြီးကို တစ်ယောက်တည်းလုပ်မှာ ခင်ဗျားရူးနေလား"
ဒေါသမထွက်ပါဘဲ စိတ်ဆိုးချင်ယောင်ဆောင်ကာ ဆူသလိုလိုငေါက်သလိုလိုနှင့်ပြောလေ၏။ ချစ်လွန်းလို့ကိုက်စားပစ်လိုက်ချင်တာ။ ဘယ်လိုလုပ်ရမှန်းမသိ။ နှစ်ယောက်တည်းရှိတဲ့အချိန်ကျမှ မလုပ်ဖြစ်သေးသည့်အရာများကို အကောင်အထည်ဖော်ရမည်။
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
