Unicode...
ပိုက်ဆံလိုချင်ရင် ဘုရားကြီးကိုလာခဲ့ပါဆိုပြီး ချိန်းလို့ ဆက်ဉာဏ်အရောက်သွားတော့ နှာတိုမျက်မှေးလေးက ပန်းခြံက မြက်ခင်းပေါ်တွင်ထိုင်စောင့်နေတာကိုတွေ့ရသည်။ ဘုရားမှာမို့သာ ပါးစပ်ကမပြောလိုက်ပေမဲ့ ဒီချာတိတ်ရဲ့ရုပ်ကတော့ အင်မတန်မှကျက်သရေမရှိ။ အိပ်ရာထခါစလို မျက်ချေးတွေလည်းမစင်၊ ခေါင်းစုတ်ဖွားနှင့် အင်္ကျီများကတွန့်ကြေနေသေးသည်။ အဆိုးဆုံးကတော့ မျက်မှောင်ကုတ်၊ နှုတ်ခမ်းကဆူပုတ်နေခြင်းပင်။
"ရော့ ခင်ဗျားပိုက်ဆံ"
ဆက်ဉာဏ်ကို ဘောင်းဘီအိတ်ထဲက ပိုက်ဆံအလိပ်လိုက်ထိုးပေးသည်။ ဆက်ဉာဏ်လည်း မရေဖြစ်။ သူပေးတဲ့အတိုင်း ပိုက်ဆံအိတ်ထဲလုံးထည့်ထားလိုက်သည်။
ခန့်ပိုင်ကတော့ ပိုက်ဆံကိုမရေဘဲအိတ်ထဲတန်းထည့်တာကို နှာခေါင်းရှူံ့ပြီးကြည့်နေ၏။
"ဟက် ဒီလိုမှန်းသိ တစ်ထောင်တန်တွေချည်း တစ်သောင်းလောက်ပဲပြန်ပေးပါတယ်"
ဆက်ဉာဏ် ကြောင်သွား၏။ ဘာလဲ ချာတိတ်က ပိုက်ဆံကိုရေစေချင်တာလား။
သို့သော် ပိုက်ဆံကိစ္စနဲ့ပဲ ဘုရားဝန်းထဲ ထသတ်နေရင်မြင်မကောင်းတာမို့ လမ်းကြောင်းသာလွှဲလိုက်သည်။
"ဘုရားကိုလာတာ ဘုရားဖူးပြီးပြီလား"
နှာတိုမျက်မှေးက ခေါင်းရမ်း၏။
"ဒါဆို အတူတူသွားမယ်လေ"
ငရစ်က ထပ်ရမ်းပြန်သည်။
"ကိုယ့်ဘာသာ သွားစမ်းပါ...မဟာမုနိဘုရားကြီးက အမြဲဆိုင်ကနေ ဖူးနေရတာ...ဘုရားတရားမရှိတဲ့ခင်ဗျားသာ ကြုံတုန်းဝင်ဖူးချေ"
စကားပြောပုံက စတွေ့ကတည်းက ကတ်ကတ်လန်။ ဘာလို့များ မနက်ခင်းစောစောစီးစီး ဘုရားပေါ်မှာ အမင်္ဂလာခညောင်းအောင် တမင်ဖန်တီးနေမှန်း ဆက်ဉာဏ်လည်း နားမလည်တော့။
"ပြီးတာပဲ...ဒါဆို ငါသွားပြီနော်"
နှုတ်ဆက်ပြီး ပန်းခြံကနေ မြောက်မုခ်ကိုသွားဖို့ ခြေလှမ်းပြင်တုန်း အနောက်တွင်ကျန်ရစ်ခဲ့သော နှာတိုမျက်မှေးလေးအမူအရာက သူ့ကိုမသွားစေချင်သေးသည့်ပုံပေါက်နေသည်။ အောက်နှုတ်ခမ်းကိုဖိကိုက်လျက် လက်နှစ်ဖက်လုံး လက်သီးဆုပ်ထားသေးသည်။ ခြေထောက်ကိုလည်း မြက်ခင်းနှင့်တမင်တကာ ပွတ်တိုက်ကာ အသံထွက်စေသည်။
VOCÊ ESTÁ LENDO
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
Ficção Geralသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
