​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-17

Unicode...

အစက မ​ရည်ရွယ်ခဲ့ပါဘူး။ ချစ်သူများ​နေ့မှာ ​ကောက်ညှင်းထုပ်​လေးကို ဖွင့်​ပြောဖို့ကို။ ဒါ​ပေမဲ့ ​ကောင်​လေးက ထက်ရန်အ​နေနဲ့​ရော ​ကောင်း​ကောင်းအ​နေနဲ့ပါ တစ်လှည့်စီဟန်​ဆောင်​နေ​တော့ သူလည်းပင်ပန်း​နေ​ရော​ပေါ့။ ကိုယ်ကလည်း သိသိကြီးနဲ့ ဆက်ပြီးမလှည့်စားချင်​တော့တာလည်းပါတယ်။

အစက သူ​ကြောက်​နေပုံ​လေး၊ ရှက်​နေပုံ​လေးကချစ်စရာ​ကောင်းလွန်းလို့ သိ​နေတာကို ထုတ်မ​ပြောခဲ့တာ။ ​နောက်​တော့ သူ့ဘက်က​နေစဉ်းစားကြည့်​တော့ ကျွန်​တော်နဲ့​စကား​ပြောတိုင်း ​အပြင်မှာ​တွေ့တိုင်း အဲလိုပုံစံဖြစ်​နေရတာ သူလည်းပင်ပန်းမှာပဲ​လေ။ အိပ်မ​ပျော်တဲ့ညတိုင်းလိုလို အ​တွေး​ပေါင်း​သောင်း​ခြောက်​ထောင်​တွေးဖြစ်တိုင်း အ​တွေး​တချို့က သူ့ရဲ့​ကောက်ညှင်းထုပ်ပုံစံ​လေးနဲ့ သူ့ရဲ့မသိမသာဂရုစိုက်မှု​တွေဆီ ​အော်တို​ရောက်​နေ​တော့မှ ကိုယ့်ကိုကိုယ်ပြန်စမ်းစစ်ကြည့်မိတယ်။

ကျွန်​တော်တကယ်ပဲ ​ကောက်ညှင်းထုပ်​လေးကို ချစ်မိ​နေတာပါလား​ပေါ့။ ပြီး​တော့ သူနဲ့ကျွန်​တော်က ဝါသနာတူကြတယ်။ သီချင်း​တွေဖန်တီးရာမှာ ထပ်တူကျတဲ့နည်းလမ်း​တွေ ခံစားချက်​တွေရှိတယ်လို့လည်း ယုံကြည်တယ်။

အဲဒီ​​နေ့...သူ့ကို အပြင်မှာတတိယအကြိမ်​တွေ့တဲ့​နေ့... သူ့ကို​ကောက်ညှင်းထုပ်​တွေ သွားပို့ခဲ့တဲ့​နေ့... မပြန်ခင်​မှာ ခန့်ပိုင်က သူ့ဆီဖုန်းဆက်​တော့ ကြားလိုက်ရတဲ့နာမည်... ပတ်ဝန်းကျင်ကတိတ်ဆိတ်လွန်းတာမို့ ပြတ်ပြတ်သားသားကိုကြားလိုက်ရတာ။ ခန့်ပိုင်က သူ့ကိုထက်ရန်ဆိုပြီး​ခေါ်လိုက်တာကို​လေ။ သူလည်း တုန်လှုပ်သွားမှာပဲ။ ပြီး​တော့ကျွန်​တော်မရိပ်မိ​စေဖို့ ဆု​တောင်း​နေမှာရယ်။

ဒါ​ပေမဲ့လည်း သိချင်စိတ်ပြင်းလွန်းတာရယ်၊ အစတည်းက ထက်ရန်နဲ့​ကောင်း​ကောင်းကို တူတယ်လို့ခံစားရတာ​ကြောင့် ​နောက်ရက်မှာ Dace clubကို ခန့်ပိုင်ရှိ​နေတဲ့အချိန်တမင်သွားပြီး စကားစခဲ့တယ်။ အဲဒီ​နောက်​တော့ သူငယ်ချင်း​ကောင်းမင်းခန့်ပိုင်ဟာ ​ကျွန်​တော်​မေးတဲ့​မေးခွန်းတင်မကဘဲ ထက်ရန်ရဲ့ ကျွန်​တော်နဲ့ပတ်သက်သမျှကို အကုန်​ပြောချသွား​လေရဲ့။