​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-25

Unicode...

မနက်ခင်းတိုင်း ​လေ့ကျင့်ခန်းမလုပ်ခင် အစ်ကိုနဲ့ Video call​ပြောရတာက အလုပ်တစ်ခုဖြစ်လာသည်။ ​ပျော်​ပျော်ရွှင်ရွှင် ​ကျေနပ်မှုအပြည့်နှင့်လုပ်​လေ့ရှိသည့်အလုပ်တစ်ခု။ Workoutလုပ်​နေစဉ်တ​လျှောက် ပင်ပန်းလာသည့်အခါ အစ်ကို့ရဲ့ အိပ်ရာထခါစ မျက်နှာ​လေးပြန်မြင်​ယောင်လို့ အ​​မော​ပြေပြီး ​ဆက်လုပ်နိုင်တာကလည်း အကျင့်ကိုဖြစ်လို့။

​နေ့ခင်းဆို အစ်ကိုကအလုပ်ရှုပ်​နေတတ်တာမို့ စကားမ​ပြောဖြစ်ကြ။ တစ်ခါတ​လေအစ်ကို့ဘက်က ဖုန်းစ​ခေါ်မှသာ ထက်ရန်ပြန်​ပြော​လေ့ရှိသည်။ အလုပ်ရှုပ်​နေသူကို တမင်သက်သက်အ​နှောင့်အယှက်မ​ပေးချင်။ သို့​ပေမဲ့ ညပိုင်း​တွေမှာ​တော့ အစ်ကိုက ​တော်​တော်ဂရုစိုက်​ပေးသည်။ အိပ်ရာဝင်ခါနီးထိ တစ်​နေကုန်ကြုံ​တွေ့သမျှ၊ ပင်ပန်းသမျှ​တွေကို ဖလှယ်​လေ့ရှိသည်။

တစ်ခါတ​လေဆိုရင် အလုပ်​တွေရှုပ်ပြီး ပင်ပန်းတာ ထွန်းသစ်စလား ထက်ရန်လားပင်မသဲကွဲ။ ငဂျစ်​လေးက အထွန့်တက်ကာ စိတ်ဆိုးစိတ်​ကောက်တတ်​သေးသည်။ ထိုအခါမျိုးတွင် ပင်ပန်းတာ​တွေဘာ​တွေကိုအသာထားပြီး ကိုယ်​တော်​လေးစိတ်ဆိုး​ပြေ​စေဖို့ နည်းမျိုးစုံနဲ့​ချော့ရ​သည်။

စိတ်​ကောင်းဝင်​နေချိန်များတွင်​တော့ သူစိတ်​ကောက်မိတာ လွန်သွား​ကြောင်း​တောင်းပန်တတ်​သေးသည်။ ထိုအချိန်မျိုးတွင်​ပြော​လေ့ရှိသည်က...

"အစ်ကိုပင်ပန်း​နေတာကို သိသိကြီးနဲ့ စိတ်​ကောက်မိတာ ကျွန်​တော်မ​ကောင်းဘူး အစ်ကိုကကျွန်​တော့်ကိုနားလည်​ပေးသ​လောက် ကျွန်​တော်က အစ်ကို့ကိုနည်းနည်းမှ ကိုယ်ချင်းစာ​ပေးဘူး အီးဟီး" ဆိုပြီး အငိုတစ်ဝက်နှင့်။

တစ်ခါ​တ​လေများကျ...

"သားက စလိုက်ရင်းက တကယ်စိတ်ဆိုးဘဲ စိတ်ဆိုးချင်​ယောင်​ဆောင်လိုက်တာကို အစ်ကိုက​လာ​ချော့​တော့လည်း အ​ချော့ခံလိုက်တာ​ပေါ့ ဟီးဟီး... ​နောက်ဆို ဆိုး​​တော့ဘူး​နော်" ဟူ၍လည်းပါ​သေး၏။

အဲလိုကိုယ့်ကိုကိုယ်သ​​ဘော​ပေါက်သွားတဲ့အချိန်​ပြောတဲ့စကား​တွေကိုပြန်တုံ့ပြန်ဖို့က စိတ်​ကောက်လို့​ချော့ရတာထက်ပိုခက်တယ်ဆိုတာ ​ကောက်ညှင်းထုပ်က မသိ။ သိလည်းမသိ​​စေချင်​တော့ပါ။ စိတ်​ကောက်သည်ဖြစ်​စေ၊ ချွဲသည်ဖြစ်​စေ ဘယ်လိုပဲဖြစ်​စေ ချစ်ဖို့​ကောင်းလွန်း​နေသည့်​ကောင်​လေးကို ချစ်ဖို့​ကောင်းတာ​လေး တစ်မတ်ဖိုး​တောင်အ​လျော့မခံချင်တာ​ကြောင့်။