Unicode...
Welcomeပြီးပြီဆိုတော့ စာထဲအာရုံစိုက်ရမည့်ကာလများရောက်လာလေပြီ။ ဆရာ/မများလည်း အသိပေးကြလေပြီ။ နောက်လထဲတွင်ကျင်းပမည့် Tutorialအတွက်လည်း ပြောဆိုလေပြီ။ ပထမဆုံးအကြိမ်ဖြေဆိုရမည့် ကျူတိုဖြစ်သဖြင့် ပထမနှစ်များအားလုံးလည်း စိတ်လှုပ်ရှား သိချင်စိတ်များရှိနေပေလိမ့်မည်။
ဆရာများကတော့ အားပေးရှာသည်။ ဒီတစ်ကြိမ်ပဲအလေးအနက်ထားကြမှာပါ နောက်ဆို ကျူတိုဆိုတဲ့အသံကြားရင်တောင် ဖြုံတော့မှာမဟုတ်ဘူးတဲ့လေ။ စာသင်နေခိုက် ဖုန်းကတုန်လာသဖြင့် ကြည့်လိုက်တော့ ခေါ်တာက တခြားသူမဟုတ် ကိုဉာဏ်။ သူ့ကိုကျောင်းမလိုက်ဖို့အတန်တန်မှာသော်လည်း မန်းလေးရောက်ခါမှကျောင်းပျော်ကြီးဖြစ်သွားသော ကိုဉာဏ်က လိုက်ဖြစ်အောင်လိုက်လာသည်။ အခုလည်း ဘာကိစ္စရယ်မသိ၊ စာသင်နေတာသိရဲ့နဲ့ ဖုန်းခေါ်သည်။
ဒီတိုင်းပစ်ထားလိုက်ပြီး စာထဲသို့သာအာရုံစိုက်လိုက်၏။ အရေးပါတာမှမဟုတ်တာ။ သို့သော် အစ်ကိုတော်က ထပ်ခါထပ်ခါ မကိုင်မချင်းခေါ်နေသည်။ စိတ်မရှည်တဲ့အဆုံး ဆရာ့ကိုခွင့်တောင်းပြီး အပြင်ထွက်လိုက်တော့သည်။
"ဘာတုန်းကိုဉာဏ်...စာသင်နေတယ်လေ"
"အရေးကြီးလို့ပါကွာ...ထွက်လာလို့ရလား"
"မရဘူးလေ...ဘာအရေးကြီးတာလဲ"
"မင်းမလာရင် ငါမော်ကွန်းထိန်းဆီရောက်တော့မယ်ထင်တယ်....."
"ဘာ!!!"
ထက်ရန်ရဲ့အသံက စာသင်နေတဲ့ဆရာနဲ့အတန်းထဲကလူများပင် အပြင်ကိုလှည့်ကြည့်ရသည်အထိ။ အားလုံးကိုပြုံးပြလိုက်ပြီး ခန့်ပိုင်ကိုလက်ယက်ခေါ်ရသည်။ ထို့နောက် ဆရာ့ကို အရေးကြီးလို့ပါဟု ခွင့်တောင်းကာ ကိုဉာဏ်ပြောသည့်နေရာသို့ လိုက်သွားရတော့၏။
လမ်းတွင်လည်း ခန့်ပိုင်က သူပါRoll callပျက်ရသောကြောင့် ဂြိုမွှေလွန်းသည့်ကိုဉာဏ့်ကို ဆဲဆိုနေတော့သည်။
"ကိုသရက်သီးတို့များ ဖြစ်စရာရှားလို့ တကယ့်အဖွဲ့နဲ့မှ သွားတွေ့ရတယ်လို့...တစ်ခါတည်းဆေးရုံလိုက်မသွားရတာ ကံကောင်းတယ်မှတ် ထက်ရန်"
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
