Unicode...
"ကိုနဲ့လိုက်ခဲ့မလား"
"ဘယ်ကိုလဲ"
"တစ်နေရာရာသွားကြတာပေါ့ စိတ်ပြေလက်ပျောက်ဖြစ်သွားအောင်"
"အစ်ကိုက အလုပ်ရှိသေးတယ်မဟုတ်ဘူးလား"
"ဒါပေမဲ့ ကလေးလေး စိတ်ညစ်နေတယ်လေ"
"အာ မဟုတ်တာ...အခုနည်းနည်းသက်သာသွားပါပြီ...အလုပ်ကိုပဲဦးစားပေးပါ"
ခြောက်သွေ့နေပြီဖြစ်သော မျက်ရည်များကိုသုတ်ရင်း အစ်ကို့ရင်ခွင်ထဲကနေထွက်လိုက်သည်။ အစ်ကို့ကိုဖက်ထားတာဘယ်လောက်ကြာသွားလဲတော့မသိ။ ရင်ဘတ်ကချွေးတွေပင်စို့နေပြီ။
အစ်ကို့ရင်ခွင်ထဲမှာ အားရပါးရငိုချလိုက်လို့ထင်သည်။ တော်တော်ကိုပေါ့ပါးသွား၏။ အရာအားလုံးကိုမေ့ထားပြီး အစ်ကို့ရဲ့အနမ်းတွေထဲစီးဝင်နစ်မြောမိသည်အထိ အစ်ကိုက ကုစားနိုင်သည်။
ကျွန်တော်အရမ်းကံကောင်းတာပဲ။
အခုလည်း အလုပ်တစ်ဖက်နှင့်အပြေးလိုက်လာသော ချစ်ရသူက အကြာကြီးအတူတူရှိပေးပြီးတာတောင် မကျေနပ်နိုင်သေး။
"မလိုက်ဘူးလား"
"အင်းလေ အစ်ကိုလည်းပြန်တော့ အလုပ်ရှိသေးတာကို"
အစ်ကိုက သက်ပြင်းချသည်။ ပုခုံးပေါ်သို့လက်နှစ်ဖက်လုံးတင်လိုက်ပြီး သူ့ဘက်ကိုလှည့်စေ၏။
"ကိုနေ့လည်ကထွက်ခဲ့တုန်းက အလုပ်သမားတွေကိုသေချာမှာပြီးထွက်ခဲ့တာ...ကြာလည်းကြာနိုင်တယ်လို့လည်းပြောခဲ့တယ်...ပြီးတော့ တစ်ခုခုဖြစ်ရင် ချက်ချင်းဖုန်းဆက်ဆိုပြီးလည်းမှာခဲ့သေးတယ်...အဲဒါကြောင့် စိတ်ချလက်ချ လိုက်ခဲ့ဟုတ်ပြီလား"
ငိုထားတဲ့အရှိန်ကြောင့် ပွယောင်းယောင်းဖြစ်နေသောနှာခေါင်းလုံးလေးကို ခဏခဏပွတ်သပ်ရင်း အသေအချာစဉ်းစားနေဟန်။ ထို့နောက်မှ ဆူပုတ်ကလေးက ခေါင်းညိတ်သည်။
"ပြီးတာပဲ...အစ်ကိုအဆူခံရရင် ကျွန်တော့်ကိုဖုန်းဆက်ရမှာနော်...အစ်ကို့ဖေဖေကို ကျွန်တော့်ကြောင့်လို့ပြောမှာနော်"
ŞİMDİ OKUDUĞUN
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
Genel Kurguသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
