Unicode...
အိပ်ရာပေါ်က အမူးသမားနိုးချိန်သည် ညစာစားပြီးချိန်ဖြစ်၏။ ထက်ရန်မေမေကတောင် ခန့်ပိုင်က ညအိပ်မှာလား လို့ပင် ထမင်းဝိုင်းတွင်မေးသည်။ ညီအစ်ကိုနှစ်ယောက် တစ်ယောက်မျက်နှာတစ်ယောက်ကြည့်ပြီး ခေါင်းညိတ်လိုက်ကြသည်။ တကယ်လည်း ခန့်ပိုင်ပုံစံက ပြန်နိုင်မည့်ပုံမပေါ်။
"ဪ နိုးပြီပေါ့"
ထက်ရန်ဘောက်ဆတ်ဆတ်မေးသည်။ ခန့်ပိုင်ကတော့ ခုချိန်ထိ ကုတင်ပေါ်တွင် ခေါင်းကိုလက်နှင့်ထိန်းပြီး မှိုင်မှိုင်ကြီးထိုင်နေ၏။
"ဘယ်နှနာရီရှိပြီလဲ"
"၈နာရီကျော်ပြီ"
"ဘာ!!!"
"ဘာမနေပါနဲ့...ခုနက မင်းအမေဖုန်းဆက်လို့ ဒီနေ့အိမ်မှာအိပ်မှာလို့ ငါပြောထားလိုက်တယ်"
ထိုအခါမှ ခန့်ပိုင်သက်ပြင်းချနိုင်သည်။ ကိုဉာဏ်ကတော့ မျက်မှောင်ကျုံ့ကာ ခန့်ပိုင်ကို ကြည့်နေသည်။
"ရန်ရန်...မင်းအစ်ကိုနဲ့ ဖုန်းတွေဘာတွေမပြောဘူးလား"
ကိုဉာဏ် သူ့ကိုပထုတ်နေမှန်း ထက်ရန်သိသည်။ ဒီနှစ်ယောက် အပြင်မှာဘာတွေဖြစ်လာသလဲ၊ ပြန်ရောက်တော့လည်း နှစ်ယောက်သား နှစ်နှစ်ခြိုက်ခြိုက်ကိုအိပ်ပျော်သွားသေးတာ။ ပြသနာတစ်ခုခု ရှိနေမယ်ဆိုတာသိ၍ နှစ်ယောက်လုံးကို မကြည်ကြည့် ကြည့်ပြီး အခန်းပြင်ထွက်ခဲ့ရသည်။
အခန်းပိုင်ရှင်က ဒီနေ့တစ်နေကုန် အခန်းထဲကနေ နှင်ထုတ်ခံနေရတာ နည်းနည်းတော့ အခဲမကြေ။
ရန်ရန်အပြင်ထွက်သွားတာသေချာတော့မှ ဆက်ဉာဏ် ကုတင်ဆီကိုတစ်လှမ်းချင်းတိုးသွားသည်။
"အဟမ်း...ခေါင်း...မူးနေသေးလား"
ဒီအမူးသမားမျိုးက သူမူးတာကို ဝန်မခံတတ်သည့်အစားမို့ ခေါင်းမူးသလိုနှင့်ရောချပြီး မေးရသည်။
"အင်း နည်းနည်း"
နှာတိုမျက်မှေးရဲ့ ပုံစံကြည့်ရတာ သူ့ကိုမကြည့်ဝံ့သလို၊ ရှက်သလိုအမူအရာများ မပြပါဘဲ သာမန်စကားပြောသလိုသာ ပြောလာသည်။ တကယ်ပဲ မူးနေတုန်းကကိစ္စတွေ မမှတ်ဘူးတော့ဘူးထင်ပါရဲ့။
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
