Unicode...
"သားလေး...မနက်ဖြန်ကျ ခန့်ပိုင်လေးကိုခေါ်လိုက်လေ အုန်းနို့ခေါက်ဆွဲလုပ်စားရအောင်"
မနက်စာစားပွဲဝိုင်းတွင် မေမေကစ၍ တိတ်ဆိတ်မှုကိုဖြိုခွင်းသည်။ ကိုဉာဏ်ကထောက်ခံသလို ဖေဖေကလည်း ဘာမှဝင်မပြောခြင်းဖြင့် ထောက်ခံမှုကိုပြသည်။
"ဒါဆိုလည်း မေကြီးတို့ဘာသာလုပ်စားလိုက် သားမစားတော့ဘူး"
"ဟယ်...ဘာဖြစ်လို့တုန်း...သားတို့စာမေးပွဲပြီးလို့ လုပ်ကျွေးမလို့ကို"
မေမေက အံ့ဩတကြီးမေးသည်။ ဟုတ်လည်းဟုတ်ပါတယ်။ အုန်းနို့ခေါက်ဆွဲဆို ထက်ရန်တို့သူငယ်ချင်းနှစ်ယောက်လုံး ဘယ်တုန်းကငြင်းဖူးလို့လဲ။
"ဟီး...ဒီလိုပါပဲ သားမစားချင်လို့"
"ဒါဆိုလည်း ဘာစားချင်လဲပြော...သားစားချင်တာလုပ်ပေးမှာပေါ့"
ထက်ရန်အနည်းငယ်စဉ်းစားပြီး အားနာနာနှင့်ခေါင်းရမ်းသည်။
"ဘာမှမစားချင်ဘူး မေကြီး"
"အယ်တော် ဂျစ်ကန်ကန်လေး"
"ရန်ရန် နေမကောင်းဘူးလား"
"ဟုတ်ပါဘူး ကောင်းပါတယ်"
ထို့နောက် ဘာမှမပြောကြတော့။ မနက်စာကိုသာ စားကြရင်း ထက်ရန်အားအဖြေရှာမှုကို ရပ်တန့်လိုက်ကြသည်။
နေ့ခင်းပိုင်း ထက်ရန်ဂစ်တာတီးနေချိန်ဖြစ်သည်။
"ရန်ရန်... ခန့်ပိုင်က အပြင်သွားရအောင်တဲ့...မင်းအစ်ကိုကိုရော ခေါ်လိုက်တဲ့"
"ဘယ်အပြင်သွားမှာလဲ"
"ကြက်ကြော်စားမလို့ပဲနေမှာပေါ့"
"ဒါဆို ကိုယ့်ဘာသာသွား...အစ်ကိုက အားတဲ့သူမဟုတ်ဘူး"
ဆက်ဉာဏ်တအံ့တဩနှင့် ဂစ်တာတီးမပြတ်သော ရန်ရန့်ကိုမျက်မှောင်ကျုံ့ကြည့်သည်။ ဒီနေ့တစ်နေကုန် အိမ်ကလူတွေပြောသမျှငြင်းရမယ်လို့ သူ့အစ်ကိုက ပြောထားလို့များလား။
"ခန့်ပိုင်က သူ့သူငယ်ချင်းနဲ့သွားချင်မှာပေါ့"
"မနေ့ကတင် လည်ထားတာကို...ပြီးတော့ ကျွန်တော်အပြင်ထွက်ရတာမကြိုက်တာလည်း သူသိတယ်...ကိုဉာဏ့်ဘာသာ အတင်းခေါ်နေတာ"
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
