Unicode...
ဟိဏ်းထက်ရန်တို့ အိမ်ရှေ့တွင်ဖြစ်သည်။ ကျောင်းပိတ်ရက်ဖြစ်၍ အစ်ကို့ကို တွေ့နေကျ Convenience storeကိုလာခဲ့ဖို့ပြောထားသော်လည်း အစ်ကိုက အိမ်တိုင်ရာရောက် လာခေါ်သည်။
"မနက်ဖြန် အလုပ်နားတယ်ဆို"
"အွန်း ဟုတ်တယ်...အိမ်မှာ ညီမလေးကို စာကူလုပ်ပေးရင်ကောင်းမလားလို့"
"ဪ အင်းပါ"
ထက်ရန်မျက်နှာက သိသိသာသာညှိုးကျသွား၏။ ထက်ရန်စဉ်းစားထားသည်က ဒီကျောင်းပိတ်ရက်တွင် အစ်ကိုလည်းအလုပ်နားတာမို့ အစ်ကိုနှင့်တစ်ရက်လုံး Dateကြမည်ဟူ၍။
ကျောင်းဖွင့်ကတည်းက အစ်ကိုနှင့် အေးအေးဆေးဆေးမတွေ့ဖြစ်ကြ။ ကျောင်းပိတ်ရက်များတွင်လည်း အစ်ကိုကအလုပ်ရှိတာမို့ လျှောက်မလည်ဖြစ်။ ထို့ကြောင့် ထက်ရန်အနေနှင့် အခွင့်အရေးရခိုက် အစ်ကို့ကိုအချိန်ပေးချင်သည်။ သို့ပေမဲ့ အစ်ကိုက ညီမလေးကို ဂရုစိုက်ချင်သည်ဆိုတော့လည်း ထက်ရန်မတားရက်ပါ။ မိသားစုထက် သူ့ကိုပိုအလေးပေးတာမျိုးလည်း မခံယူချင်ပေ။
Storeကိုရောက်တော့ အစ်ကိုကစားနေကျ ခေါက်ဆွဲပြုတ်ကိုမှာသည်။ ထက်ရန်လည်း နွားနို့တစ်ဘူးကိုသာမှာပြီး ခုံအလွတ်တွင်ဝင်ထိုင်ကြသည်။
ဆိုင်ထဲကိုရောက်ကတည်းက ဖုန်းကိုသာ ဂရုစိုက်နေသောအစ်ကို့ကို ထက်ရန်သတိထားမိသည်။ သို့သော် ဘာမှတော့မပြောဖြစ်။ အလုပ်ကိစ္စ ဒါမှမဟုတ် အရေးကြီးကိစ္စရှိလို့သာဖြစ်မည်ဟု ဖြည့်တွေးလိုက်သည်။
ခေါက်ဆွဲပြုတ်ရလာချိန်အထိ ထက်ရန်ကို တစ်ခေါက်သာပြုံးပြသေး၏။ ထို့နောက် ခေါက်ဆွဲပြုတ်သောက်လိုက် ဖုန်းကြည့်လိုက်နှင့်သာ။
"အစ်ကို...အရေးကြီးကိစ္စရှိနေလို့လား"
ပါးစပ်ထဲက ခေါက်ဆွဲများကိုအရင်ကုန်အောင်စားလိုက်ပြီး ထက်ရန်ကိုကြည့်သည်။
"မဟုတ်ပါဘူး"
ထွန်းသစ်စ သူ့လက်ထဲကဖုန်းကိုပြန်သတိထားမိတော့မှ ကောက်ညှင်းထုပ်လေးကို ပစ်ထားမိမှန်း နားလည်သွား၏။
KAMU SEDANG MEMBACA
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
Fiksi Umumသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
