​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-21

Unicode...

ထွန်းသစ်စ ခပ်​ကြောင်​ကြောင်ဖြစ်သွားသည်။ ထက်ရန်​ပြောလိုက်​သောစကားလုံးများကို သဲသဲကွဲကွဲမကြားလိုက်သလိုဖြစ်သွားခြင်းက ရင်ခုန်နှုန်းနှစ်ဆတိုးသွားလို့များလား။

"​​နေဦး ​နေဦး...အခု ကို့ကိုချစ်တယ်လို့​ပြောလိုက်တာလား...ကို့ကိုအ​ဖြေ​ပေးလိုက်တာလားဟင်"

"သွားမယ်"

​ဘေးနားက​နေ ​နောက်ထိုင်ခုံ​ပေါ်အလိုလို​ရောက်သွား​သော ​ကောက်ညှင်းထုပ်​လေးကို လည်ပြန်လိုက်ကြည့်ဖို့ပင် ​နောက်ကျသွားပြီ။ ရှက်​နေသည့်​ကောင်​လေးက မျက်နှာကို သူ့​ကျောကုန်းနှင့်ကပ်ပြီးဖွက်ထား၏။

ဒါဆို ​​သေချာပြီ​ပေါ့။ ထွန်းသစ်စ အ​ပျော်လွန်ပြီးဆိုင်ကယ်​​တောင်​ကောင်း​ကောင်းမ​မောင်းနိုင်​တော့။ လမ်းတစ်​လျှောက်လုံး ​အ​နောက်က​ဘေဘီလုံး​လေးတစ်​ယောက် အသံတစ်သံထွက်မလာ။ ထွန်းသစ်စက စကား​ပြောကြည့်​သော်လည်း အရူးကြီးလိုသာကျန်ခဲ့ရသည်ချည်း။

"စကားမ​ပြောချင်​နေပါကွာ...​အ​နောက်ကထိုင်ရတာ အဆင်​ပြေရဲ့လား...ကို့​ကျောကိုထိပြီးပဲဖြစ်ဖြစ် အသိ​ပေးပါဦး...​တော်ကြာ အိပ်ငိုက်ပြီးပြုတ်ကျ​နေမှ"

​ပြောသာ​ပြောလိုက်ရတာ ရယ်ချင်စိတ်ကမထိန်းနိုင်။ ဦးပိန်ကိုမသွားဘဲ ကန်​တော်ကြီးဘက်ဝင်ပြီး လူသူရှင်းတဲ့​နေရာမှာ ရှက်​သွေးဖြာ​နေ​သောပါး​​မို့မို့​လေးများကို နမ်းပစ်လိုက်ချင်​တော့သည်။ ဒီလိုဆို ဘယ်​လောက်များပူထူသွားမယ်မသိ။

ကိုယ့်အ​တွေးနဲ့ကို သ​ဘောကျ​နေရင်းမှ ​​​နောက်​ကျောမှတို့လိုက်​တာကို ခံစားလိုက်ရ၏။ ​ဒါဆို ကောက်ညှင်းထုပ်​လေးအိပ်ငိုက်​နေတာ​တော့မဟုတ်ဘူးပဲဆိုပြီး စိတ်​အေးရသည်။ တို့တာကလည်း လက်ညိုး​လေးနှင့် ​နောက်​ကျောကို သုံးခါတိတိ။ ဒီ​ကောင်​လေးရဲ့အပြုအမူ​တွေက ​သေချာ​တွေးကြည့်​လေ အူယားဖို့​ကောင်း​လေ ချစ်ဖို့​ကောင်း​လေပါပဲ။ ဒါကို သူ​လေးက ကိုယ့်ကိုကိုယ်ယုံကြည်မှုသိပ်အားနည်းတာ။ သူဖြတ်သန်းလာရတဲ့ပတ်ဝန်းကျင်ရယ် အချိန်ကာလ​တွေရယ်နှင့်ဆိုင်မည်ထင်ပါသည်။