Unicode...
Customer complaintကိုဖြေရှင်းအပြီး ဂိုဒေါင်ဝက ပက်လက်ကုလားထိုင်ပေါ်တွင် ထိုင်ရင်း သက်ပြင်းရှည်တစ်ခု ချလိုက်သော ထွန်းသစ်စ။ ဒီအလုပ်ကိုဦးစီးလာသည့်သက်တမ်းတစ်လျှောက် အခက်ခဲဆုံးသော ဖြေရှင်းမှုတစ်ခုဖြစ်၍ အလုပ်သမားများပင် ရင်ဘတ်ကိုလက်နှင့်ဖိရသည့်အခြေအနေ။
ထိုအချိန်တွင် အိမ်ထဲမှ ဒေါ်နွယ်နွယ်ထွက်လာပြီး...
"ထွန်းသစ်စဆိုတဲ့အကောင် ဘယ်မလဲ"
မျက်လုံးများကိုမှိတ်ထားရင်း ပက်လက်လှန်လှဲနေရာမှ ဒေါ်နွယ်နွယ်၏ရန်လိုသံကြောင့် ထွန်းသစ်စ မတ်တပ်ရပ်လိုက်သည်။ ဒေါ်နွယ်နွယ်က ထွန်းသစ်စရှေ့ထိရောက်လာပြီး ခါးကိုထောက်ထားသေး၏။
"ဘယ်လိုဖြစ်သွားပြီလဲ...ပြီးပြီလား...Customerကရော ကျေနပ်တယ်တဲ့လား"
"ဟုတ်ကဲ့...ကျွန်တော်သေချာဖြေရှင်းလိုက်ပါပြီ...သူတို့ဘက်ကလည်း လက်ခံပါတယ်ဗျ"
"ဟက်...နင်တော်တော်ကို စောက်သုံးမကျတာနော်"
ထွန်းသစ်စကတော့ ခေါင်းငုံ့လျက်သာ ဒေါ်နွယ်နွယ်ဆိုသမျှ ငြိမ်ခံနေရှာသည်။ ဒေါ်နွယ်နွယ်က သူတို့ကို ဝိုင်းကြည့်နေသောအလုပ်သမားများကို ကိုယ့်အလုပ်ကိုလုပ်ရန် မျက်နှာရိပ်မျက်နှာကဲပြပြီး ဒေါသထွက်နေသောအကြည့်တို့ကို ထွန်းသစ်စဆီသို့ ပြန်ရောက်စေ၏။
"နင်ဘယ်အချိန်ထိ ဒီမိသားစုရဲ့စီးပွားရေးကို ဖျက်စီးနေမှာလဲ ဟမ်...ဘယ်အချိန်ထိလဲ...ဖြေစမ်း ဖြေစမ်း ဟဲ့ကောင်...နင်ဘယ်အချိန်ထိ ငါတို့ကို ဒုက္ခပေးနေမှာလဲ"
ဒေါ်နွယ်နွယ်၏ ရန်လိုသံများက ပို၍ကျယ်လောင်လာပြီး ထွန်းသစ်စ၏ဆံပင်များကို လက်နှစ်ဖက်လုံးနှင့် ဆောင့်ဆွဲလေသည်။ ထွန်းသစ်စကား ငြိမ်လျက်သာ။ ဒေါ်နွယ်နွယ်မှာ အားမရသေးဘဲ ထွန်းသစ်စ၏ပါးကို အားနှင့်လွှဲကာ ရိုက်ချပစ်သည်။
အလုပ်သမားများလည်း တစ်ယောက်ကိုတစ်ယောက်လက်တို့ကြပြီး ပါးစပ်အဟောင်းသားများနှင့်သာ ကြည့်နေနိုင်သည်။ ဒေါ်နွယ်နွယ့်အကြောင်းသိတာမို့ ဘယ်သူမှဝင်မဆွဲရဲပေ။
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
