Unicode...
Note : ဒါလေးမဖတ်ခင်ဖြစ်ဖြစ် ဖတ်ပြီးတော့ဖြစ်ဖြစ် ဒီသီချင်းလေးနားထောင်ကြည့်ပါ❣ အဆိပ်အတောက်များလွန်းတဲ့အသိုင်းအဝိုင်းကနေ ခဏရှောင်ထွက်ပြီး ကိုယ်ချစ်ရသူနဲ့နှစ်ယောက်တည်း နှစ်သက်တဲ့အရာတွေဖန်တီးရင်း အချိန်တွေကုန်ဆုံးရတဲ့ခံစားချက်မျိုးက...ဘယ်လိုပြောရမလဲ???
...........................
"ကိုသရက်သီး...ဝိုင်သောက်မယ်မလား"
"သောက်ရမှာပေါ့...ဒီလိုအချိန်မှမသောက်ရင် ဘယ်အချိန်သောက်ရမှာလဲ"
"ကျွန်တော့်ရော တိုက်နော်"
ဘေးနားကချာတိတ်က လက်မောင်းကိုလာဆွဲပြီး ခန့်ပိုင်ရဲ့ပုံစံနဲ့ကွဲလွဲစွာ ချစ်စရာကောင်းအောင်လုပ်၍ ပြောသည်။ ဆက်ဉာဏ်မျက်မှောင်ကျုံ့၍ ကြည့်ပြီးနောက် ဘာမှပြန်မဖြေဘဲ ဝိုင်ဝယ်ဖို့ထွက်လာခဲ့၏။
ဝိုင်ဝယ်ပြီးသည်အထိ အနောက်ကနေတဖဝါးမှမခွာသေး။ သွားတဲ့နောက် ခွေးလေးလိုတကောက်ကောက်လိုက်သည်။ ရေစပ်နားတွင်ထိုင်ပြီး ဝိုင်ပုလင်းကိုဖောက်ကာ တစ်ငုံမော့သောက်လိုက်၏။
ဘေးနားက နှာတိုမျက်မှေးလေးကလည်း ရေထဲသို့ခြေဆင်းထိုင်ကာ အကြည့်မလွှဲ လိုက်ကြည့်နေသည်။ ဆက်ဉာဏ် သိသော်လည်း မသိချင်ယောင်ဆောင်ကာ နောက်ထပ်တစ်ငုံဆက်သောက်သည်။
"ကျွန်တော့်ကိုရောတိုက်မယ်ဆို"
စွာတေးလန်မဟုတ်သည့်အတိုင်း တောင်းဆိုလာသောအသံက နူးညံ့စွာ။
"သောက်ချင်ရင် ရအောင်ယူပေါ့"
ဝိုင်ပုလင်းကို အပေါ်မြှောက်လိုက်တော့ နှာတိုမျက်မှေးလေးက မမှီမကမ်း လှမ်းယူသည်။ ချာတိတ်ရဲ့လက်တွေဆန့်လာလေ ဆက်ဉာဏ် သူ့လက်တွေကို ပိုဆန့်ထုတ်လေနှင့် ဝိုင်ပုလင်းလေးက လှမ်းလေ ဝေးလေဖြစ်နေတော့သည်။ နောက်ဆုံးစိတ်မရှည်သည့် ခန့်ပိုင်တစ်ယောက် ရေထဲကခြေထောက်ကိုဆွဲထုတ်ပြီး မတ်တပ်ရပ်လိုက်သော်လည်း ခြေချော်ကာ ဖင်ထိုင်ရက် ပြန်ကျလာသည်။
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
