​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-36

Unicode...

မန္တ​လေး​တောင်​ပေါ်က​ ဆင်းလာကြ​တော့ အစ်ကို့သူငယ်ချင်း​တွေက ပြန်ချင်တဲ့လူ၊ အလုပ်ရှိ​သေးတဲ့လူ၊ ​လျှောက်လည်ချင်​သေးသည့်လူ စသဖြင့်ကွဲပြားလျက်။ တိုင်ပင်ပြီးကြ​သော် စိတ်မ​ကောင်းစွာ လမ်းခွဲကြရ​တော့သည်။

ထက်ရန်က အစ်ကိုနဲ့အတူတူဆက်ရှိချင်တာမို့ တခြားတစ်​နေရာထပ်သွားဖို့ စိတ်အားထက်သန်​နေသည်။ ကိုဉာဏ်တို့လည်းထိုနည်းတူစွာ လည်ချင်ကြ​သေးသည်။ ထို့​ကြောင့် မန္တ​လေး​တောင်​က​နေ ကုသိုလ်​တော်ကိုဝင်ဖြစ်ကြသည်။

မန်း​တောင်​​ခြေရင်းက ကမ္ဘာ့အကြီးဆုံးစာအုပ်ကြီးလို့တင်စား​ခေါ်​ဝေါ်ရ​လောက်​အောင် ​ကျောက်စာချပ်​ရေ​ပေါင်း​မြောက်မြားစွာကိုထည့်သွင်းငုံထားသည့် ​ဖွေး​ဖွေးဖြူ​နေ​သော ဂူ​စေတီအများခြံရံလျက်​တွေ့ရမည်ဖြစ်သည့် ကုသိုလ်​တော်ဘုရား။

မင်းတုန်းမင်းတရားတည်​တော်မူခဲ့​​သော မဟာ​လောကမာရဇိန်ဘွဲ့အမည်ရ ကုသိုလ်​တော်ဘုရားဟူသည် ရတနာပုံ​ခေတ် သာသနာအ​ရောင်အဝါ​တောက်​ပြောင်ခြင်း၏ သက်​သေမှတ်တိုင်တစ်ခု။

ချစ်သူလက်ကိုတွဲကာ ဘုရားဝင်းထဲသို့စဝင်သည်နှင့် ပန်း​ရောင်း​သောက​လေးများက သူတို့​နောက်သို့လိုက်ပြီးရောင်းသည်။ သနပ်ခါးပါးကွက်ကြားနှင့် ပန်းဆွဲပန်းခိုင်တို့ကို​မြှောက်ကာ အသံဆာဆာ​လေးများနှင့် ​အော်​ရောင်း​နေသည်မှာ ဘုရားဖူးလာသူတို့ မဝယ်ရလျှင်မ​​နေနိုင်​​လောက်​အောင် ချစ်ဖို့​ကောင်းကြသည်။

ထက်ရန် ကြာပန်းနှစ်စည်းဝယ်လိုက်ပြီး အစ်ကို့ကိုတစ်စည်း​ပေးသည်။ ​အ​နောက်က ကပ်ပါလာ​​သော ကိုဉာဏ်တို့က​တော့ ကြာပန်းကို​ဈေးကြီးသည်ဆိုကာ ချစ်စရာက​လေး​လေး​တွေကို​ နှင်လွှတ်၏။

"ငယ်​လေး ​နောက်ထပ်နှစ်စည်းထပ်​ပေး"

ထွန်းသစ်စက မ​နေနိုင်စွာ နှစ်စည်းထပ်ဝယ်လိုက်ပြီး အ​နောက်ကနှစ်​​ယောက်ကို လက်ဆင့်ကမ်းလိုက်၏။

"အဲနှစ်​ယောက်က လိုက်လည်းလိုက်တယ် အစ်ကိုရာ..အစ်ကိုမို့ ဝယ်​ပေး​​သေးတယ်"