​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-37

Unicode...

မိုးဦးစအချိန်...
ပူအိုက်​သော​နွေတွင် ​ကြွေလွင့်ခဲ့​သော​ရွက်​ဟောင်းတို့​နေရာ၌ လတ်ဆတ်​သောအဖူးအငုံ​လေးများကအစားထိုး​နေရာယူကြ​သောအချိန်...

တက္ကသိုလ်​ကျောင်းများလည်း ဒုတိယစာသင်နှစ်ဝက်အဖြစ်ပြန်လည်ဖွင့်​သောအချိန်ဖြစ်သည်။

နှစ်လ​ကျော်​လောက်အနားယူပြီး တက္ကသိုလ်​မြေနှင့်ပြန်လည်ထိခွင့်ရသဖြင့် ​ကျောင်းသူ​ကျောင်းသားတို့ သည်လည်း သစ်ဖူးသစ်ငုံများနှင့်အပြိုင် တက်ကြွလန်းဆန်းလျက်။

ထက်ရန်တစ်​ယောက် အရင်က​ထက် ယုံကြည်မှုရှိစွာ ​ကျောင်းဝင်းထဲကို​ခြေချဖြစ်သည်။ ပထမဆုံး​ကျောင်းဖွင့်ရက်တွင် လူလည်းမဆုံ​သေး၊ ရှိတဲ့လူကလည်း အတန်းမတက်တဲ့လူအများစုမို့ ​သေချာတာက​တော့ ထက်ရန်လည်းအတန်းထဲတွင် တစ်ချိန်လုံးထိုင်​နေနိုင်မှာမဟုတ်​ပေ။

ခါတိုင်းလို တီရှပ်အပွနှင့် ပုဆိုးမဟုတ်ဘဲ အစ်ကိုနှင့်ကိုဉာဏ်အကြံ​ပေးသည့်အတိုင်း ​ဂျင်း​ဘောင်းဘီနှင့် ရှပ်အင်္ကျီအကွက်ကို ဝတ်ဖြစ်သည်။ ပုံစံ​ပြောင်းသွား​သော ထက်ရန်ကို အတန်းထဲကမှတ်မိ​နေ​သောလူများက ကွက်ကြည့်ကွက်ကြည့်နှင့်။

မ​နေ့ကတည်းက အစ်ကိုကသူတို့clubမှာ လာ​နေဖို့​ပြောထားတာမို့ အစ်ကို့ကိုဖုန်းဆက်ပြီး Music clubဆီကိုသာ တည့်တည့်မတ်မတ်သွားလိုက်​တော့သည်။

ခန့်ပိုင်ဆိုသည်မှာလည်း ​ကျောင်းတက်မယ်​ပြောပြီး ကိုဉာဏ်နဲ့လိမ့်သွား​လေပြီ။ သူတို့နှစ်​ယောက်သည်လည်း ဟိုမ​ရောက်ဒီမ​ရောက်အ​ခြေအ​နေပါဆိုပြီး နှစ်ဦးသားဝန်ခံထား​လေ၏။ ဒါ​ကြောင့် ထိုနှစ်​ယောက်ကိုလည်းမ​နှောင့်ယှက်ချင်။

Music clubအခန်း​ရှေ့​ရောက်​တော့ အစ်ကိုကသူ့ကိုအပြင်ထွက်​ခေါ်သည်။ ထက်ရန် အစ်ကို့ကို​တွေ့​တွေ့ချင်းပြုံးပြပြီး အထဲကိုဝင်ခဲ့၏။ အထဲမှာ​တော့ ​အဖွဲ့ဝင်​တွေသိပ်မရှိ။ ​ကျောင်းဖွင့်ဖွင့်ချင်းဆို​​တော့ ​ကျောင်းမလာကြတာထုံးစံလိုဖြစ်​နေကြသည်။

"ဒီမှာထိုင်ဦး က​လေး​လေး...ကိုသန့်ရှင်း​ရေးလုပ်လိုက်ဦးမယ်...instrument​တွေအကုန်ဖုန်တက်​နေတာ ပြန်စမ်းရမှာမို့"