​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-18

Unicode...

ထက်ရန်စာသင်ခန်းထဲဝင်လာ​တော့ ခန့်ပိုင်က စပ်ဖြီးဖြီးမျက်နှာနှင့်လှမ်းကြည့်သည်။ ထူးထူးဆန်းဆန်း ခန့်ပိုင်တစ်​ယောက် သူ့ထက်အရင်​ အခန်းထဲစော​ရောက်​နေတာ ကြုံ​တောင့်ကြုံခဲ။

"ဘာ​တွေအဲ​လောက်ပြုံး​နေတာလဲ"

"ဒီမယ်ကြည့်"

သူ့ဖုန်းကို ထိုး​ပေးသည်။ ပုံတစ်ပုံ။ သစ်ရွက်​ခြောက်များ​ပေါ်က မုန့်ထုပ်တစ်ထုပ်ပုံ။ captionလည်းဘာမှမ​ရေးထားဘဲ ဒီတိုင်းကြီးတင်ထား​​သော အစ်ကိုထွန်းသစ်စ။ ထက်ရန်​စိတ်ထဲ အမျိုးအမည်မသိ​​​​သောခံစားချက်တစ်ခုဖြစ်လာသည်။ ထိုခံစားချက်က အ​ကောင်းလားအဆိုးလား​တောင် ​​ဝေခွဲမရ။

ခန့်ပိုင်ဖုန်းကိုပြန်​ပေးလိုက်ပြီး သူ့ဖုန်းနှင့်သူဝင်ကြည့်သည်။ Favoriteလုပ်ထားသဖြင့် Facebookဖွင့်ဖွင့်ချင်း ထိပ်ဆုံးက​နေတက်လာ​လေသည်။ အရင်လို Love react​ပေးတာမျိုး၊ ပုံSaveတာမျိုး မလုပ်မိ​သေးဘဲ ​ကောမန့်များကိုဝင်ဖတ်ကြည့်သည်။

တစ်​ယောက်တည်း​တော့မဖြစ်နိုင်ဘူး၊
Date?၊
ဒါ​ကျောင်းက​နေရာတစ်ခုခုလား သိတဲ့သူများ​ပြောပြကြပါ၊
တစ်​ယောက်တည်း ​မုန့်သွားစားရ​အောင် က​လေးမှမဟုတ်တာ စဉ်းစားကြ​လေ၊
Wait!! ငါတို့Zett ပါသွားပြီလား​ဟင်၊
Zetty Sold out?၊
ငါ့မှာ​တော့​ ငါ့ဘဝကြီးအတွက်စောင့်လိုက်ရတာ သူကမုန့်ထိုင်စား​နေတယ် ဗြဲ၊
တစ်မျိုးမထင်ကြပါနဲ့ ဒါမုန့်​ရောင်းဖို့ ပရိုမိုးရှင်းဆင်း​နေတာပါ၊
ရှင်​လေးနဲ့မုန့်ထိုင်စားတဲ့တစ်​​ယောက် တို့​လောက်​တော့ ပုံလာပါ​စေ​နော် အသဲကွဲတာ​လေး တန်သွား​အောင်၊

စသဖြင့် စုံလင်စွာ။ အများစုကမိန်းက​လေးများ။အစ်ကိုက သူနှင့်ရင်းနှီး​သောလူများကို​​တောင် replyမပြန်။ ပုံတင်ပြီး နိုတီပါပိတ်ထားပုံ​ပေါ်သည်။ တချို့​ကောမန့်များက အ​ပျော်သက်သက်ဆို​ပေမဲ့ တချို့ကကျ အပျက်သ​ဘောမျိုး​ဆောင်​နေတာများလည်းရှိသည်။

အစ်ကို​တော့မသိဘူး။ ထက်ရန်က​တော့ ထိုမန့်များကိုဖတ်ပြီးပြီးချင်း စိတ်ထဲ​နေလို့မ​ကောင်း။ ပထမဆုံးအကြိမ်မဟုတ်​ပေမဲ့ သူ့ပုံပန်းသွင်ပြင်နဲ့ပတ်သက်ပြီး ​နောက်တစ်ကြိမ် မလုံခြုံမှုကိုခံစားလာရပြန်သည်။ စိတ်ဓါတ်ကျမှု၊ အလိုမကျဖြစ်မှု၊ ကိုယ့်ကိုကိုယ်နှိမ့်ချပြီး အစ်ကိုနဲ့လုံးဝမဖြစ်နိုင်ဘူးဆိုသည့်အ​တွေးများက ခါတိုင်းထက် ထို​ကောမန့်များဖတ်ပြီးချိန်​တွင် တသီတတန်းကြီးဝင်​ရောက်လာ၏။