​ကောက်ညှင်းထုပ်​​လေးရဲ့ နှလုံးသားသံစဉ် | ေကာက္ညွင္းထုပ္​​ေလးရဲ႕ ႏွလုံးသားသံစဥ္

Part-6

Unicode...

အိမ်ပြန်လမ်းတစ်​လျှောက် ကိုဉာဏ်က ခန့်ပိုင်Kingမရသည့်အ​ကြောင်းကို ထပ်ခါတလဲလဲ ကွန်ဖီးဒန့်အပြည့်နှင့်​ပြော​လေသည်။ အစ်ကိုနဲ့စကားမ​ပြောရလို့ စိတ်ညစ်​နေရတဲ့အထဲ ဒီကိုဉာဏ်တစ်​ယောက်နဲ့လည်း ခန့်ပိုင်ကိုသာ သူ့အတင်းတုပ်​နေ​ကြောင်း တိုင်လိုက်ချင်​တော့သည်။

အိမ်​​ရောက်​တော့ ကိုဉာဏ့်ကိုကြည့်မရတဲ့အဆုံး သူ​ရေချိုး​နေတုန်း သူ့အ​ကောင့်နှင့်ခန့်ပိုင်ကို သွားAddလိုက်သည်။ ထို့​နောက် ဖုန်းဆက်ပြီး သူ့ကိုရစရာမရှိ​​အောင်​​ပြောဆို​နေ​ကြောင်း ​ညှောင့်ပစ်လိုက်သည်။

"ဟက်...ကိုသရက်သီးနဲ့ ငါနဲ့​တွေ့ကြပြီ​ပေါ့"

တစ်ခွန်းတည်း ပြတ်သားစွာ​ပြောအပြီး ဖုန်းချသွား​သောခန့်ပိုင်။ ထက်ရန်က​​တော့ ပစိပစပ်များ​သော ကိုဉာဏ့်ကို ​ဆေးထိုးလိုက်ရရ၍ ​ကျေနပ်​နေ​တော့သည်။

ထက်ရန်မှာ အစ်ကိုလိုင်းတက်လာဖို့ကို အမှတ်မရှိ​မျှော်​နေ​သေးသည်။ ည၇နာရီ​လောက်ထိ ​စောင့်​နေသူ​ပေါ်မလာ၍ ထမင်းဆင်းစားပြီး ပြန်တက်လာ​တော့ ကိုဉာဏ်တစ်​ယောက်​ စာကြည့်စားပွဲတွင်ထိုင်ပြီး ခေါင်း​တွေကုပ်​နေသည်ကိုမြင်လိုက်ရသည်။

"ဒီချာတိတ်က ငါ့အ​ကောင့်ထဲဘယ်လို​ရောက်​နေရတာလဲ"

ခပ်တိုးတိုး​ရေရွတ်လိုက်​ပေမဲ့ ထက်ရန်ကြားလိုက်ပါသည်။ စပ်ဖြီးဖြီးပါးစပ်ကိုလက်နှင့်အုပ်ကာ သူ့ကို​ကျော​ပေးထားလိုက်သည်။ Facebookကိုဖွင့်ကြည့်တော့ See firstလုပ်ထားသည့် Favorite personရဲ့postကိုမြင်လိုက်ရ၍ ထက်ရန်ရဲ့ ​မျက်နှာ​ဖောင်း​ဖောင်းထက် အပြုံးကြီးကြီးက ထင်ရှားစွာ ဖြစ်တည်လာသည်။

အစ်ကိုက သူ့သူငယ်ချင်းရိုက်​ပေးထားသည့် စင်​ပေါ်မှာ ဂစ်တာတီးပြီးသီချင်းဆို​နေတဲ့ပုံကို 'Private Hypnotist at Fresher Welcome🎶' ဟူ​သော Caption​လေးနှင့်တွဲထင်ထားသည်။

မ​နေ့ညကတည်းက​မျှော်​နေ​သော မီးစိမ်း​လေးကို​ပြန်​တွေ့ရသည့်ခံစားချက်က စိတ်လှုပ်ရှားစရာ။ အစ်ကို့ပုံ​လေးကို Love react​ပေးပြီး​နောက် တခါတည်းSaveထားလိုက်သည်။ မကြာပါဘူး...အစ်ကို့ရဲ့ Chat head​လေး​ပေါ်လာခဲ့သည်။