Unicode...
"တောင်းထားတွေ အရင်ပြပါ"
"အိုးဟိုး... Zettက လောလိုက်တာ... ပြမှာပေါ့ စိတ်ချပါ... စိတ်ပြောင်းသွားတဲ့အတွက် ကျေးဇူးတင်စကားအရင်ပြောမလို့ကို...နည်းနည်းမှမစောင့်နိုင်တော့ဘူးလား"
ထွန်းသစ်စ စိတ်မရှည်တော့ချေ။ အတန်းဆင်းချိန်ထိ အိမ်မပြန်နိုင်သေးဘဲ Clubထဲတွင် မွှေးသံသာနှင့်နှစ်ယောက်တည်းရှိနေရခြင်းကိုလည်း သဘောမကျ။ ထို့ပြင် ကောက်ညှင်းထုပ်လေးကိုပါ ညီမလေးကိုကြိုရမည်ဟု လိမ်ပြောထားပြီး အိမ်အပြန် လိုက်မပို့ဖြစ်။
မွှေးသံသာ သူ့ဘေးလွယ်အိတ်ထဲမှ စာရွက်စာတမ်းအချို့ကိုထုတ်လိုက်ပြီး ထွန်းသစ်စရှေ့ ဖြန့်ချလိုက်သည်။ ထွန်းသစ်စလည်း စာရွက်တစ်ရွက်ချင်းစီ ကောက်ကိုင်ပြီး အသေအချာဖတ်ကြည့်၏။
သူ့မိဘအရင်းများဟုဆိုကြသော ဇနီးမောင်နှံနှစ်ယောက်ဆေးရုံတက်သည့်ရက်စွဲက သူ့မွေးနေ့နှင့်တိုက်နေသည်။ ထိုဇနီးမောင်နှံ၏အမည်များနှင့်အတူ မွေးကင်းစသားယောကျ်ားလေး ပျောက်သွားကြောင်းကြော်ငြာအပိုင်းအစတစ်ခုကိုလည်း သတင်းစာကနေဖြတ်ယူထားသည်။ ထို့ပြင် ဦးထိန်ဝင်းနှင့် အဖေအရင်းဟုထင်ရသူကလည်း ကုမ္ပဏီချင်း အဆက်အဆံရှိခဲ့ကြသည်။ ထွန်းသစ်စ အသက်နှစ်နှစ်ပြည့်ချိန်တွင် သူတို့သည်လည်း ပူးပေါင်းဆောင်ရွက်မှုမရှိတော့ကြောင်း သတင်းစာထဲ ကြောငြာထည့်ဖူးသော သက်သေလည်းရှိ၏။
"ဘယ်လိုလဲ Zett... ဒီလောက်ဆို ယုံပြီမလား"
ထွန်းသစ်စ ချက်ချင်းမဖြေနိုင်။ စာရွက်အပိုင်းအစများကို ကြည့်ကာ ငေါင်ငေါင်ကြီးသာထိုင်နေသည်။ သံသာ စိတ်မရှည်တော့ဟန် သက်ပြင်းချကာ စာရွက်များကိုပြန်သိမ်းသည်။
"ဒါတွေက တကယ်အမှန်တွေပဲလား သံသာ...ဒါဆိုမင်းကရော ဒါတွေကိုဘယ်လိုသိနေရတာလဲ"
"သံသာဘယ်လိုသိတယ်ဆိုတာ အရေးကြီးလို့လား Zett.. အရေးကြီးတာက ဘာလဲမင်းသိပါတယ်"
BINABASA MO ANG
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
