Unicode...
ထွန်းသစ်စ Clubအခန်းထဲသို့အရင်ရောက်နှင့်နေသည်။ သံသာ့နှင့်ဆွေးနွေးချင်၍ ထမင်းစားချိန်တွင် ချိန်းထားခြင်းဖြစ်၏။
"သံသာရောက်ပြီနော်...အို...နှစ်ယောက်တည်းပါလား...ဘာပြောမလို့ပါလိမ့်"
သံသာက အခန်းပတ်ပတ်လည်ကို လှည့်ပတ်ကြည့်ပြီး ထွန်းသစ်စဘေးတွင် တင်ပျဉ်ခွေ၍ဝင်ထိုင်သည်။ ထွန်းသစ်စ အချိန်မဆွဲတော့ဘဲ လိုရင်းကိုသာပြောလိုက်တော့၏။
"မင်းကတိပေးခဲ့တယ်လေ ဒီအပေးအယူက ထက်ရန်ကိုမထိခိုက်စေဘူးဆိုတာ... အဲတော့ အပြင်မှာရော လိုင်းပေါ်မှာပါ စည်းရှိအောင်နေပေးပါ"
"အောဟော်... လိုင်းပေါ်မှာပြောရုံနဲ့ ထက်ရန်ကိုထိခိုက်စရာအကြောင်းမရှိဘူးနော်... Zettကိုယ်တိုင်သူ့ကိုသွားမပြောရင် သိမှာမဟုတ်ဘူး...ပြီးတော့ သံသာကလည်းဖွာတတ်တဲ့လူမျိုးမဟုတ်ပါဘူး"
ထွန်းသစ်စ ခါးနှစ်ဖက်ကိုထောက်လျက် ခေါင်းကိုမော့ကာ သက်ပြင်းချလိုက်ပြီး...
"ဘာပဲဖြစ်ဖြစ်ကွာ...အပြောအဆိုရော အနေအထိုင်ရော ဆင်ခြင်ပေးပါ...ဒီတစ်ခုကိုတော့ ငါ့ဘက်ကတောင်းဆိုပါရစေ...လာမဲ့ကျောင်းပိတ်ရက်မှာတော့ မင်းဖြစ်စေချင်သလို ဖြစ်စေရမယ်"
သံသာက နှုတ်ခမ်းများကိုဆူကာ ချစ်စရာကောင်းသောမျက်နှာပုံစံလုပ်ယူပြီးနောက် ထွန်းသစ်စကို ခေါင်းစောင်းကာကြည့်သည်။
"Awwn... Zettကအရမ်းချစ်တတ်လိုက်တာ...သံသာလည်း အဲလိုလေးအချစ်ခံချင်လိုက်တာကွာ...မောင်လေးထက်ရန်ကို အရမ်းအားကျတာပဲ"
ထိုစကားများကြောင့် ထွန်းသစ်စက သူ့ကိုဂြိုကြည့်ကြည့်သည်။ သံသာဟက်ခနဲတစ်ချက်ရယ်လိုက်ပြီး...
"စတာပါ Zettရယ်... အိုခေလေ သံသာဆင်ခြင်ပေးပါ့မယ်... Zett အလိုကျပဲပေါ့"
သံသာက ထွန်းသစ်စကိုပြုံးပြကာ အခန်းထဲကနေအရင်ထွက်ခဲ့သည်။ အခန်းပြင်အရောက်တွင် မထင်မှတ်ပါဘဲ ထက်ရန်နှင့်ခန့်ပိုင်တို့ကို တွေ့လိုက်ရ၏။ သံသာက သူတို့ကိုချက်ချင်းမျက်နှာလွှဲကာ ရှောင်ထွက်သွားသည်။
BINABASA MO ANG
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
