Rahi Lascivus

Chapter 23

Rahi

It has been a while since the last time I got to stay dito sa mismong bahay namin.
Kumuha lang ako ng ilang damit namin ni Shu.

Kasama ko si Xeah. Kinley even came by 'nung nakita niya kami.

"Is that all?" Tanong ni Xeah, sinirado ko naman ang zipper ng bag at tumango.

"Nakakapanibago. Walang maingay dito." Natatawang sambit ni Kinley.

"Bumisita ka nalang sa bahay para makita mo si Shu. H'wag kang pumirme kanila Luci. Baka mahawaan ka sa pagiging babaero 'non."

Natawa naman kami sa sinabi ni Xeah.

"Paano ba naman ako titingin sa iba? Eh kay Astrid lang nakatutok mga mata ko." Banat ni Kinley, natawa naman kami sa pagiging corny niya.

"Ayan tayo eh!" Sabi ko pa.

"Sige na, umalis na kayo. Baga gabihin kayo sa daan."

Nagpaalam na kami ni Xeah kay Kinley, at umuwi na din sa bahay nila Xeah. Pagkarating namin 'dun, nagtaka ako dahil nandito din sila Luci at Yoj.

"Naparito kayo?"

"Sleep over." Ngisi ni Luci.

Napairap naman si Xeah.

"Sumbong kaya kita kay Tita Roselei? Sungit mo ah. May dalaw?"

Natawa naman ako, magbabangayan na naman sila Luci at Xeah mayamaya.

"Eh sino ba nag sabi na may sleep over dito sa bahay?"

"Si Shu."

Sabay pang sabi ni Yoj at Luci.

"Ha?"

"Hakdog."

"Tumawag siya kanina sa amin eh. Ang sabi kung pwede ba kaming mag sleep over." Kibit balikat na sagot ni Yoj.

Friday night kasi, kaya pwede kami mag chill muna. "Besides, let's discuss about our research topic." Sabi ni Luci na ikinagulat at namangha talaga kami.

"Woah!"

"Nasaan si Luci at anong ginawa mo sa kanya?!" -Xeah

"Sino ang babaeng nagpatino sa'yo?!" - Ako

"O.O" - Yoj

Letche flan talaga tong si Yoj!

"Mga gaga! Gusto ko lang magkaroon tayo ng topic agad, para hindi tayo mahirapan sa mga susunod na buwan."

"Ibang klase Lu! 'Yan pala epekto ng research sa'yo?" Manghang tanong ni Xeah.

"Of course! Gusto ko maka graduate no."

Napapailing nalang ako sa kanila.

"Oh, saan tayo? Camping outside or sa rooftop?" Tanong ni Yoj para maiba ang usapan.

"Rooftop!" Sabay naming sagot.

"K."

Walang hiyang sagot 'yan. Tamad mo talaga Acero!

Matapos kaming kumain ng hapunan, agad naman kaming nagsipunta sa rooftop kasama si Shu. Tumulong siyang mag set up ng tent. May malaking tent kasi sila Xeah, kasya kaming lima.

Pinahatid din ni Tita Reese dito sa itaas 'yung tin drum na nilalagyan nila ng panggatong para sa bonfire.

"Kute oh." Ibinigay ni Shu sa'kin ang unan, agad ko naman itong inilagay sa loob ng tent.

Habang sila Luci at Yoj, inaayos ang mga makeshift chairs at pinalibot ito sa tin drum.

"Everything is set!" Xeah announced, she just came back from the kitchen. Dala dala niya ang ilang bag ng chips at marshmallow at inumin.