ဒီလိုနဲ့ ကျွန်မတို့ သူငယ်ချင်းတွေဖြစ်သွားကြတယ်။ ကျူရှင် ဆင်းလို့ အိမ်အတူပြန်ကြတယ်။ ကျွန်မအိမ်ဘက်ကိုမရောက်ခင် လမ်းကွေ့လေးမှာ သူကျန်ခဲ့တယ်။ ကျူရှင်သွားရင် လမ်းကွေ့လေးမှာ သူ့ကိုတွေ့တတ်တယ်။
အချိန်ကြာလာတဲ့အမျှ ကျွန်မတို့သူငယ်ချင်း ၅ ယောက်ဟာ စားအတူသွားအတူ နောက်ဆုံး စာမေးပွဲကျတာပါတူတဲ့အထိ စိတ်တူကိုယ်တူ best friends တွေဖြစ်လာကြတယ်။
ကျွန်မအကြောက်ဆုံးဘာသာက Physics ဖြစ်ပြီး
သော်တာခွန်း အကြောက်ဆုံးဘာသာက မြန်မာစာဖြစ်လာတယ်။ စာမေးပွဲကျတိုင်း ကျော်ကြီး ခေါ် ကျော်ကျော်နိုင် ပြောလေ့ရှိတဲ့စကားတစ်ခွန်းကိုမှတ်မိနေသေးတယ်။
"စာမေးပွဲဆိုတာ တကယ်တော့ ဂျင်းပဲ ဟျောင့်ဒေ
အဲ့ဂျင်းအကြီးစားကြီးက တကယ်တော့ ဘဝကိုအဆုံးအဖြတ်မပေးနိုင်ပါဘူးကွာ...ဆယ်တန်းမအောင်လို့ ဘာမှမဖြစ်ဘူး ငါရိုးမ စာမွဲ"
အဲ့ဒီလို အမြဲဆဲနေတဲ့ကောင်က အောင်စရင်းထွက်တော့ နှစ်ဘာသာ ဂုဏ်ထူးပါလာတယ်လေ။ အဲ့ဒီနေ့က သူကျွန်မတို့အားလုံးကို ဂျင်းထည့်သွားတဲ့နေ့ပေါ့။ လေးယောက်လုံးသူ့ကိုသတ်ဖို့စောင့်နေတာသိတော့ အိမ်မပြန်ရဲလို့ အဖွားအိမ်မှာအိပ်ရတဲ့အထိပဲ။
သော်တာခွန်း ၊ ကျွန်မ နဲ့ ခိုင်လေးက တစ်လုံးစီပါကြတယ်။ ထွန်းရှည် က ရိုးရိုးအောင်တယ်။
အောင်စရင်းထွက်ပြီးနောက်နေ့မနက်မှာ ကျော်ကြီးအိမ်ကိုတိတ်တိတ်လေးပြန်ပြေးလာတယ်။
ညနေကျ ကျော်ကြီးဆီလိုက်သွားပြီးဝိုင်းဆဲကြတာပဲ။
ဆယ်တန်းကျူရှင်မှာစပေါင်းခဲ့တဲ့ ကျွန်မတို့ ၅ယောက်ဟာ တက္ကသိုလ်ရောက်တဲ့အထိ အဖွဲ့လိုက် ကျောင်းဆက်တက်ခဲ့ကြတယ်။ ရင်ခုန်တတ်တဲ့အရွယ် နုပျိုလတ်ဆက်တဲ့နှလုံးသားတွေဟာ သူတို့ရဲ့ ရင်ခုန်သံတွေကို နားစွင့်တတ်ခဲ့ကြတယ်။
ကျော်ကြီး ထွန်းရှည် တာကြီး ခိုင်လေးနဲ့ ကျွန်မ တို့ရဲ့ သူငယ်ချင်းတစ်စုလည်း အချစ်ရှာပုံတော်ဖွင့်ခဲ့ကြတယ်။ ဒါပေမယ့် အချစ်ဟာ တချို့လူတွေအတွက် သိပ်ရှာရလွယ်ခဲ့တယ်။ အဝေးကြီးလိုက်ရှာဖို့မလိုဘဲ ကိုယ်နဲ့အတူရှိနေတတ်တယ်။
ကိုယ်နဲ့အတူ တွေ့နေကျ မြင်နေကျ ခွီနေကျ ပေါနေကျ ကိုယ့်ရဲ့ best friendကြီးဟာ တနေ့ ကိုယ့်ပါးကို လှစ် ခနဲ ခိုးနမ်းလိမ့်မယ်လို့ ဘယ်သူကတွေးထားမိပါ့မလဲ။
DU LIEST GERADE
မတော်တဆ 🤍💋❤
Romantik"လည်ပင်းဖက်ပြီးပေါင်းလာတဲ့ bff အဖွဲ့လေးထဲကို တနေ့တော့ အချစ်ဆိုတဲ့ အုန်းသီးတစ်လုံး ပြုတ်ကျလာခဲ့တယ်။ အုန်းသီးတစ်လုံးဟာ မျောက်တွေအတွက်တော့..... တကယ့် 'ငစား' ပဲ။ အထူးသဖြင့် ကျွန်တော်နဲ့ သူမ အတွက် ဆိုပါတော့။" Pandemic ကာလအတွင်းကိုအခြေခံရေးထားတဲ့ Quaran...
