သားရဲကမ္ဘာရဲ့ နံပါတ်ဝမ်းကုန်သည်ငပျင်းလေး [ဘာသာပြန်] Complete ✅

Chapter - 31 [Uni]

- ဝယ်သူစိတ်ကြိုက်အော်ဒါလာပါပြီ

Rong Mingshi ကစာများကိုဆက်ဖက်နေခဲ့တယ်။ သူကအကြွေစေ့ထောင်ပေါင်းများစွာနဲ့အပြိုင်ရန်ဆန္ဒရှိသူတစ်ဦးကိုလည်းတွေ့ခဲ့ပြီးအချို့ကလေလံဖွင့်ဖို့တောင်ပြောနေကြတယ်။ ဒါကသူ့ကသူ့နားရွက်လေးကိုဆုပ်ကိုင်ပြီးပါးစပ်လေးတောင်အံ့ဩမှုကြောင့်ပွင့်ကျသွားခဲ့တယ်။ သူ Star Network ပေါ်မှာပထမဆုံးရောင်းတဲ့လက်ရာဈေးနှုန်းကသူ့လက်ရာအတွက်မတန်တာကိုပေမယ့်လို့သူကဒီလောက်ကြီးမားတဲ့ဆုံးရှုံးမှုဖြစ်လိမ့်မယ်လို့ထင်မထားပေ။

အလယ်အလတ်တန်းစွမ်းအင်ကျောက်များစွာကို ၀ ယ်ဖို့ကြယ်ဒင်္ဂါး ၁၀၀,၀၀၀ ကလုံလောက်လေသည်။

Rong Mingshi ကထိုနေရာမှာဘဲသူ့အမြီးလေးကိုကိုက်ကာထိုင်ချလိုက်ပြီးအနည်းငယ်ဝမ်းနည်းလို့နေခဲ့တယ်။ သူကဝယ်သူတွေရဲ့စာများကိုဆက်လက်ဖတ်ခဲ့ကာလူများစွာကမက်ဆေ့ခ်ျနှင့်အတူဗီဒီယိုအတိုလေးများကိုပါတွဲတင်ထားတာကိုတွေ့လိုက်ရတယ်။ ၎င်းတို့အားလုံးကသူတို့ရဲ့သားရဲပုံစံဘဲဖြစ်တယ်။ အင်ပါယာရဲ့နည်းပညာကအတော်လေးတိုးတက်တာကြောင့်ထိုရုပ်ပုံများကို 3D ဖြင့်မှတ်တမ်းတင်ထားပြီးသားရဲပုံစံကိုပုံစံအမျိုးမျိုးဖြင့်ပြသလို့နေတယ်။

ခွေလိမ်နေတဲ့ရွှေစပါးအုံးမြွေတွေ သူတို့ရင်ဘတ်ကိုထုရိုက်နေတဲ့ဂေါ်ရီလာတွေ၊ အမြီးတွေကသူတို့ခွန်အားကိုပြသကာကူးခတ်နေကြတဲ့မိကျောင်းကြီးတွေ ... ဟုတ်ပါတယ်၊ သူတို့အပြင်ကို ချစ်စရာကောင်းတဲ့ခွေးပေါက်လေးတွေ၊ အော်မြည်နေတဲ့ကြောင်လေးတွေနဲ့မမျှော်လင့်ဘဲရေတွေပက်ဖြန်းနေတဲ့ဆင်ပေါက်လေးတစ်ကောင် ...

ကျားသစ်လေးကသူ့ပါးစပ်မှအမြီးလုံးလုံးလေးအားပြန်လွှတ်လိုက်တယ်။ သူကစာမျက်နှာတွေကိုလှန်ပြီးထ်ိုသားရဲတွေရဲ့ပုံရိပ်တွေကိုဂရုတစိုက်ကြည့်လေတယ်။ သူကပုံတွင်နှစ်မြှုပ်သွားသလိုမျိုးဖြစ်ပြီးသူကများစွာသောအင်ပါယာသားရဲများရဲ့ဝိသေသလက္ခဏာများစွာကိုလေ့လာသင်ယူခဲ့ရတယ်။

Rong Mingshi ကစိတ်ဝင်တစားကြည့်နေတဲ့အချိန်မှာဘဲအနက်ရောင်နဂါး‌ဗိုလ်ချုပ်ကြီးထံမှဗီဒီယိုခေါ်ဆိုမှုတစ်ခုကစာမျက်နှာပြင်ပေါ်သို့ခုန်တက်လာခဲ့တယ်။ Rong Mingshi ကလန့်သွားမှုကြောင့်သူ့ခေါင်းလေးတောင်မတ်သွားခဲ့ပြီးသူကတောင်းဆိုမှုကိုသူ့လက်ဖောင်းဖောင်းလေးနဲ့ဖိနှိပ်ကာလက်ခံလိုက်တယ်။ ထို့နောက်နဂါးနက်ကြီး Aojia ရဲ့ပုံရိပ်ကသူ့ရှေ့တွင်ပေါ်ထွက်လာခဲ့တယ်။