သားရဲကမ္ဘာရဲ့ နံပါတ်ဝမ်းကုန်သည်ငပျင်းလေး [ဘာသာပြန်] Complete ✅

Chapter - 40 [Uni]

- ဓားဖြတ်ရာတစ်ချက်တည်းသာ

ကျားသစ်လေးကဝယ်သူတွေထံမှအကြောင်းကြားစာတွေရတော့နောက်ထပ်စိတ်ကြိုက်အမှာစာတွေထပ်ဖွင့်ရ‌မလားဆိုပြီးစဉ်းစားနေခဲ့တယ်။ သူကသူကိုက်ထားတဲ့အမြီးလေးကိုလွှတ်လိုက်ပြီးတွန့်ဆုတ်တွန့်ဆုတ်နဲ့ဖွင့်လိုက်တယ်။ သူ့ရဲ့ Star Network အကောင့်မှာရုတ်တရက်ကြီးကြယ်ဒင်္ဂါး ၈၀၀၀၀၀ ထပ်တိုးလာခဲ့တယ်။

... ဝယ်သူများမှားသွားခဲ့တာလား? ကျားသစ်လေးကစိတ်ကြိုက်အမှာစာဝယ်ယူခဲ့တဲ့‌ဒေါင်းရဲ့ဆက်သွယ်မှုအချက်အလက်တွေကိုချက်ချင်းရှာဖွေတွေ့ရှိခဲ့တယ်။ “ မင်္ဂလာပါ ဥဒေါင်းဝယ်သူ ကျေးဇူးပြုပြီးစစ်ဆေးပေးပါဦး။ မင်းအများကြီးမပေးခဲ့ဘူးလား? "

“ မဟုတ်ပါဘူး ဆရာရဲ့ကျွမ်းကျင်မှုကထိပ်တန်းပါဘဲ။ ကျွန်တော့်ရဲ့လှပတဲ့အမွေးတွေကိုဒီ့ထက်ကောင်းအောင်ပြင်ဆင်ပေးနိုင်တဲ့ပန်းပုဆရာကိုကျွန်တော်မတွေ့ခဲ့ဖူးဘူး။ ဆရာကဤစျေးနှုန်းနှင့်လုံးဝထိုက်တန်ပါတယ်။ ကျေးဇူးပြုပြီးလက်ခံပေးပါ။ ”

ဒေါင်းကသူ့ကိုအပြုံးလေးနဲ့ပြန်ပြောခဲ့တယ်။ Rong Mingshi က ဆရာဟုအခေါ်ခံရခြင်းပထမဆုံးအကြိမ်ဖြစ်တာကြောင့်အနည်းငယ်ရှက်နေခဲ့တယ်။ သို့ပေမယ့်ဝယ်သူကသူ့ကိုလွှဲပြောင်းပေးခဲ့တဲ့ကြယ်ဒင်္ဂါးတွေကဧရာမစွမ်းအင်ကျောက်တုံးကြီးအားဝယ်ယူရန်လုံလောက်နေခဲ့တယ်။ ဒါ့ကြောင့်ကျားသစ်ကလေးကသူ့နားရွက်လေးကိုကုတ်လိုက်ပြီးစာပြန်လိုက်တယ်။ "ဒါဆိုငါမင်းကိုနောက်ထပ်အမှာစာတစ်ခုထပ်ပေးရမလား?"

စတိုးဆိုင်ပိုင်ရှင်ရဲ့ထိုအပြောကိုစောင့်နေတဲ့ဒေါင်းကချက်ချင်းထထိုင်လိုက်ပြီးတောက်ပတဲ့မျက်လုံးများဖြင့်ပြန်ပြောခဲ့တယ်။ "ကျေးဇူးတင်ပါတယ် ဆရာစတိုးဆိုင်ပိုင်ရှင်ကြီး! အဲ့ဒါကိုတခြားသားရဲတစ်ကောင်ရဲ့ပုံစံဆိုရင်ရောရနိုင်မလား? ”

" သေချာတာပေါ့၊ ရပါတယ်။ "

ကြော့ရှင်းတဲ့ဒေါင်းကမတ်တတ်ရပ်လိုက်ပြီးသူ့သားရဲအတွက်စုဆောင်းထားတဲ့အဆင့်မြင့်စွမ်းအင်ကျောက်တုံးကိုထုတ်ယူလိုက်တယ်။ သူကစတိုးဆိုင်ပိုင်ရှင်ထံသို့“ ဆရာစတိုးပိုင်ရှင် ဒါကနောက်ဆုံးတောင်းဆိုချက်ပါ။ ကျေးဇူးပြုပြီးဒီအဆင့်မြင့်စွမ်းအင်ကျောက်တုံးကိုထုထွင်းပေးနိုင်မလား? ကျွန်တော်သီးခြားထွင်းထုကြေးတစ်ခုပေးပါ့မယ်။ ”