သားရဲကမ္ဘာရဲ့ နံပါတ်ဝမ်းကုန်သည်ငပျင်းလေး [ဘာသာပြန်] Complete ✅

Chapter - 69 [Uni]

ကျားသစ်ငယ်လေး သူ့အကောင့်ထဲသို့ ငွေအမြောက်အမြားကြီး ရုတ်တရက်ဝင်လာသည်ကို မြင်လိုက်ရသည်။ “…”

ထူလုံးလုံး ခြေလက်လေးများနဲ့ သူ့ခေါင်းကို ထိလိုက်သည်။ တစ်ရက်အတွင်းမှာပဲ သာမန်ငွေပမာဏကနေ ဆင်းရဲသူအဖြစ် ပြောင်းလဲသွားခဲ့တယ်။ ထိုနောက်တွင်တော့ ဆင်းရဲသားဘဝကနေ ချက်ချင်းပင် အရမ်းကြီးကိုချမ်းသာကြွယ်ဝလာခဲ့သည်။ ဒါဟာ ရိုလာကိုစတာစီးလိုက်ရသလို အတွေ့အကြုံပဲ သူ့ရဲ့ သေးငယ်တဲ့နှလုံးသားလေးကလည်း ခုန်ပြန်ကျော်လွှား ခုန်ပေါက်‌လို့နေပြီ!

စစ်အသုံးစရိတ်များ ခွဲဝေပြီးသည်နှင့် ဒုဗိုလ်မှူးက သုံးသပ်ချက်အောင်မြင်ပြီး ရှေ့တန်းတိုက်ခိုက်ရေးသမားအားလုံး၏ သားရဲပုံစံနှင့် အရွယ်မရောက်သေးသော သားရဲရုပ်ပုံများကို စတိုးဆိုင်ပိုင်ရှင်အား ပေးခဲ့သည်။ ဖြစ်နိုင်ပါက၊ စတိုးဆိုင်ပိုင်ရှင်အား ထွင်းထုရန်အတွက် သန်းပေါင်းများစွာသော ရှေ့တန်းကစားသမားများဖြင့် ပြည့်နေသော စစ်တပ်တစ်ခုလုံးကိုပင် ဒုဗိုလ်မှူးက ပို့ပေးလိုသော်လည်း ယင်းမှာ မဖြစ်နိုင်ပေ။ လက်ရှိတွင် ယခင်စစ်မြေပြင်များမှ အသေအပျောက် အချိုးအစားအလိုက်သာ စီစဉ်နိုင်မည်ဖြစ်သည်။

ကျားသစ်ငယ်လေးသည် စစ်တပ်မှပေးပို့သော ကုဒ်ဝှက်ထားသောအမိန့်စာကို စိုက်ကြည့်ကာ သူ့တစ်ကိုယ်လုံး တုန်လှုပ်သွားခဲ့သည်။ ထောင်ပေါင်းများစွာသော သားရဲကောင်များ၏ ပုံရိပ်များသည် သူ့ကွန်ပျူတာပေါ်တွင် ရုတ်တရက်ပေါ်လာလေသည်။ ကျားသစ်ငယ်လေးသည် ပင်လယ်၊ ကုန်းမြေနှင့် လေထဲတွင်ရှိသော တိရစ္ဆာန်မျိုးစိတ်အားလုံးကို မြင်နိုင်လောက်အောင် ကံကောင်းလှသည်။ ရှည်လျားသော ထိုးထွင်းသိမြင်မှု အားကောင်းသည်မှာ အမှန်ပင်ဖြစ်သော်လည်း... ဤသည်က သူ့ကို သေလောက်သည်အထိ ပင်ပန်းစေမည့် စည်းချက်ပဲဖြစ်သည်။

Rong Mingshi သည်မနေနိုင်ပဲသူ့ရဲ့ ထူတုတ်တုတ်သော လက်လေးများကို ငုံ့ကြည့်လိုက်သည်။ ဒီ ဝကစ်ကစ်လက်လေးများသည် ဤအမှာစာများအတွက် သူ့ဘဝတစ်လျှောက်လုံး အလုပ်များနေပေလိမ့်မည်။ ထို့ကြောင့် Rong Mingshi ကယဉ်ကျေးစွာဖြင့် အကြောင်းကြားလိုက်တယ်။ "ဒီအမှာစာက တကယ်များပြားတာပဲ၊ ကျွန်တော် တစ်ယောက်ယောက်ကို ကူညီခိုင်းလို့ရလားခင်ဗျ။"