Chance Again (Again Series #3)

Kabanata 13

Never pa akong nakasakay sa motor kaya bago 'yon para sa akin. Isa pa, takot ako dahil lapitin ng disgrasya ang mga single vehicle.

I honestly hesitated to go with her at first, but when I heard the grandma thing, my heart melted all of a sudden.

Hindi kasi ako close sa grandmother ko dahil sobrang strict nito. Makikita ko pa lang ito o kaya mababalitaang dadating sa bahay parang maiihi na ako sa kaba. Hindi ko alam kung saan nagsimula ang takot ko kay Grandma, pero ang sabi ni Mommy ganon lang talag ito.

Samantalang, pakiramdam ko magiliw ang lola ni Cleo, sa sinabi pa lang nito na gusto nitong magsama si Cleo ng kaibigan para madagdagan ang mga bisita.

Cleo also said that her grandmother is excited to meet her new friends.

As soon as we arrived, I expected to be in a squatters' area. Hindi 'yon ang naabutan ko. I mean, they are poor, but the high-class of the poor. Maayos ang bahay nila, malinis at malaki kahit na outdated at mukhang sinauna lalo na ang bintana, at aakyatin pa ang hagdan bago mapunta sa front door.

"Malapit na si Cleo, 'Nay."

"E, ang batang 'yon kasi! Ang bilin ko agahan niya!" Naroon ang tampo sa boses ng matandang babae.

"Darating, 'Nay. Baka abala lang sa eskuwela," boses ng babae na naunang magsalita kanina.

Sandali lang ang naging biyahe namin ni Cleo kaya hindi ako nabagot. Nang makarating din kami, sumalubong agad sa akin ang maliwanag nilang bahay.

Hindi ganito ang pakiramdam ko kapag uuwi sa amin, hindi ako masaya. It amazed me because this house feels warm and welcoming.

Tipid kong nilingon ang kamay ni Cleo na umalalay sa beywang ko.

Magsasalita na sana ako, pero umupo na siya sa gilid ko at kinuha ang cotton na tsinelas pambahay sa tabi ng pinto. Marahan niyang sinuot 'yon sa akin matapos hubarin ang black shoes ko.

Kusa kong sinabayan ang galaw niya kahit na hindi ako komportable sa mga hawak niya.

Nagtagal pa ang paningin niya sa paa ko nang masuot 'yon kaya naurong ko 'yon.

Mahina at tipid siyang natawa saka tumayo. Uminit tuloy ang mga pisngi ko.

I noticed that she has a nice set of white teeth.

"Kung ano mang sabihin ni Mamang, hayaan mo na lang."

Mamang ang tawag sa lola niya?

Tumango ako sa kaniya. Ngumiti naman siya at inakay ako nang tuluyan sa loob.

"Mamang," bati niya. Lumapit siya sa lola niya at hinalikan ito sa pisngi. "Happy birthday."

Kunwari pang nagtampo ang lola niya kaya napuno sila nang tawanan, ang mommy, daddy, at nakababatang kapatid niya.

"Busy ka na ba sa pag-aaral mo, ha, Cleo?" tanong nito.

Tipid na natawa si Cleo. She looked at her grandmother as if she were the cutest thing alive.

"Oh? Nagsama ka?" Binalingan ako ng lola niya.

Kinabahan ako, of course! What if, hindi maging maganda ang first impression nila sa akin? Hindi na ako babalik dito, pero mahalaga 'yon para sa akin.

"Si Aurora, Mamang. Kaibigan ko..." Inakay ako ni Cleo sa beywang.

Agad akong yumuko para bumeso sa lola niya na nakaupo sa wheelchair.

"H-happy birthday po." Pinilit kong ngumiti rito kahit namamanhid ang mukha ko.

Tumingin sila sa paghawak ni Cleo sa beywang ko na kinailang ko. Naroon ang malisyoso nilang ngiti na hindi ko maintindihan.