Chance Again (Again Series #3)

Kabanata 25

I don't want to go. I still don't want to go, but I am just so scared about what Grandma would do if I ditch her. I know she will seek reasons.

Natatakot akong malaman niya ang tungkol sa amin ni Cleo.

"I already put tea inside your bag." It was my mom helping me to put my things inside the baggage that I would bring to Russia.

"Thanks, Mom." Tipid akong ngumiti bago nagpatuloy sa ginagawa.

It was eight o'clock in the evening. Bukas aalis na ako, pero hindi pa rin ako makapaniwala. Maybe because I wasn't excited about it.

Matiim akong tiningnan ni Mommy. Alam kong nakikiramdam lang siya at gusto na talagang magtanong sa akin.

"You can say what you want to say now, Mom. Aalis na ako bukas." Sinarado ko ang zipper ng maleta.

"I was just wondering why you seemed uninterested in this offer, 'cause before you were always anticipating to be taken abroad."

Tama si Mommy, kapag may pagkakataon na ganito hindi ako humihindi. Mas malaki pa nga ang offer na ito kaysa sa mga meron ako noon, pero ganito ang nararamdaman ko.

Natapos kaming mag-impake at naiwan ako sa kuwarto. After I took a bath, I looked at the baggage again before I lay down on my bed, and after I had blow-dried my hair.

Sa kabila kasi ng mga naging desisyon ko, hindi ko kailanman naramdaman na nasisira na ang pangarap ko. Ballet is just a hobby that I suddenly took seriously before. God knows what I want to do in the future.

"Nothing?" I whispered as I looked at my phone.

Walang kahit anong message galing kay Cleo.

Sabagay, dapat masanay na ako. Alam ko namang marami siyang part-time jobs. She is a busy person. Isa pa, kailangan niya rin ng time para sa practice ng soccer. As far as I know, madalas siyang pinapatawag ng grandpa niya.

Dahil hindi inaantok, bumaba ako sa kusina. Naroon pa si Yaya Eloy na nagpupunas ng mga hinugasan na plato.

"Matagal ka ba roon sa Russia?" Nabuksan ang usapan namin tungkol doon.

Hindi ako nakasagot dahil hindi ako sigurado.

"Mami-miss ka namin." Tipid siyang ngumiti.

Sandali kaming natahimik.

"Nga pala, Awii. Sorry, ha? Nalaman ko kasi ang dahilan ng away niyo ng daddy mo."

Nagparte ang labi ko.

"May namamagitan sa inyo ni Cleo?"

Kakabahan na sana ako dahil baka nalaman ni Yaya Eloy ang tungkol sa mistress ni Daddy.

"Hindi ka ba natatakot sa lola mo?"

Bumuntonghininga ako.

Napailing siya. "Hindi ko akalain na ganiyan. Magkakatotoo pala ang mga biro ko sa batang 'yon."

Kunot-noo kong tiningnan si Yaya Eloy.

"Mukhang hindi ka naman papatol sa kapwa babae, e." Nagpatuloy siya sa ginagawa habang mas lalo akong naging interesado. "Alam mo kasi 'yang si Cleo, panay ang sulyap sa 'yo sa tuwing may duty rito. Inaasar-asar ko at 'yon, nangingiti siya. Alam ko kasing nagkakagusto sa babae ang batang 'yon, pero hindi ko sigurado kung gusto ka nga. Kumbaga, trip ko lang sanang i-match kayo."

Tinago ko ang ngiti at ininom ang kape ko sa ibabaw ng counter.

Nahihiya akong makita ni Yaya Eloy ang reaksiyon ko. Talaga lang na hindi ko mapigilang hindi kiligin dahil noon pa pala sinusulyapan na ako ni Cleo.