Chance Again (Again Series #3)

Kabanata 41

Anyone will do everything for the person they love, but we also have limits.

Walang may alam kung hanggang saan aabot ang pagmamahal ng isang tao—kundi ang taong 'yon lamang.

I didn't know that this day would come and Cleo would be back. Masyado akong negatibo at dinala ko 'yon simula nang umalis siya, imbis na tingnan ang mga bagay na iniwan niyang sumisimbolo sa kaniyang pangako.

Wala akong ibang naramdaman simula nang bumalik siya kundi hiya.

What if she actually stayed loyal to me despite our distance? She waited for this moment, as she said, because she wanted to be with me again. Even though many years had already passed, she still considered the apartment our home because she was so sure that she would keep her promise.

I hate myself for this.

Ilang sandali lang, bumalik na ang apat at nadatnang natutulog sa balikat ko si Cleo.

Tahimik naman sila at hindi nang-asar pero naroon ang iba't ibang emosyon na nagpapakita sa mukha nila: pinaghalong tuwa, malalim na lungkot, at panghihinayang.

Dahil totoo ang iniisip nila, kung hindi kami naghiwalay ni Cleo, baka araw-araw ganito kami at naaalalayan ang isa't isa.

It was true that it was hard without her because I was still looking for her guidance for the past years.

Nang manuot sa akin na kailangan ko nang kumilos nang wala siya, ibinangon ko ang sarili gamit ang mga aral na natutunan sa kaniya.

Naniniwala na tuloy akong pagod talaga siya.

"May flight 'yan kanina," ani Tim. "Baka wala pang tulog."

Tumango ang tatlo. Samantalang, nanatiling mahimbing ang tulog ni Cleo sa balikat ko.

"Pasensya na, Awii."

Marahan akong umiling kay Tim para hindi magalaw si Cleo.

"Sa 'itsura niyo tuloy parang kahapon lang kayong naghiwalay ni Cleo." Napangiti si Kesha. "Wala akong nakikitang gap between the both of you."

Mula sa gilid ng mga mata ko, pasimple kong tiningnan si Cleo.

"I hope, magkabalikan kayo—"

"Jonary," saway ni Sena.

Hindi ako kumibo kahit hindi nagustuhan ang komento ni Jonary.

"Sa apartment mo matutulog?" si Sena na tinutukoy si Cleo.

Tumango ako. "Gusto niya raw bumisita."

"Baka ibang bisita gawin niyan, ha?" Natatawang pang-aasar ni Kesha.

Natawa na rin sina Tim at Jonary, maliban kay Sena na nakangisi at napailing na lang.

Halos isang oras kaming nagtagal sa bar bago nagkaayaan na umuwi na dahil pareparehas pang may gagawin kinabukasan, at nang magising din si Cleo, nagsabi siyang uuwi na kami dahil may gagawin pa ako. Hindi naman nahinto sa pang-aasar ang mga kaibigan namin hanggang sa makasakay kami sa kotse ni Cleo.

Hindi masyadong malayo ang lugar mula sa apartment kaya ilang minuto lang nakarating na kami roon. Ewan ko ba, pero nang makababa at makapasok kami sa gate, saka lang ako dinaluyan ng kaba.

"Aurora!" Binati ako ng landlady at agad naglakad palapit sa amin ni Cleo. "Aba, ginabi ka yata?"

Isa ito sa palaging tumitingin at nag-aabala para siguraduhin na nakakauwi ako nang maayos simula nang umalis si Cleo, lalo na nang lumipat sa ibang lugar si Rudolf at ang boyfriend nito, at ako na lang ang natirang nagkatira sa itaas, dahil karamihan ng mga rumirenta roon trabahador ng factory sa malapit na nagre-resign din at bumabalik sa probinsya.