🍑ဖြူစင်သူ မင်းအတွက်🍑
အခန်း (2)
🍑🍑🍑🍑🍑🍑🍑🍑🍑🍑🍑🍑🍑🍑
" သူဌေး ပထမဆုစာရင်းဝင်တဲ့ ပြိုင်ပွဲဝင်က
နေရာမှာ လူလည်းမရှိဘူး။ ကုမ္ပဏီထဲမှာ
လည်းရှာပေမဲ့ ပြိုင်ပွဲဝင်ကိုမတွေ့ဘူးဖြစ်နေပါတယ်။ ဆုရစာရင်းကို ကျွန်တော်တို့ ထုတ်ပြန်ရတော့မှာ အဲ့တာ ဘယ်လိုဆက်လုပ်ရမလဲ ခင်ဗျ "
ဒီရာ အမှတ်ပေးဒိုင်အဖွဲ့မှာပါတဲ့ လက် ထောက်မန်နေဂျာက မေးလာသည့်အခါ... သူ အရမ်းသဘောကျနေမိတဲ့ ရေမွှေးဆီရနံ့ရဲ့ပိုင်ရှင် ပြိုင်ပွဲဝင်က နေရာမှာရှိမနေသလို.. ရှာလို့လဲ မတွေ့ဖြစ်နေတာကြောင့်..ပြိုင်ပွဲ၏ ထုံစံအတိုင်းဆက်လုပ်ဖို့သာ ဆုံးဖြတ်လိုက်ရသည်။
" ပြိုင်ပွဲဝင်က နေရာမှာ မရှိမနေဘူးဆိုမှတော့... ပြိုင်ပွဲရဲ့လုပ်နည်းအတိုင်းဆက်လုပ်လိုက်ပါ "
" ဟုတ်ကဲ့ သူဌေး။ဒါဆိုရင်တော့... ပထမဆု
ရတဲ့ ပြိုင်ပွဲဝင်ရဲ့ဆုနေရာကို ဒုတိယဆုရတဲ့
ပြိုင်ပွဲဝင်ကို အစားထိုးပေးလိုက်ပါမယ် သူဌေး "
" အဲ့လိုပဲ လုပ်လိုက်ပါ။ နွေဦး ငါ့ ရုံးအခန်းကို
ပြန်မယ် "
ဒီရာ သူသဘောကျမိတဲ့ ရေမွှေးဆီရနံ့ရဲ့ ပိုင်ရှင်က ပြိုင်ပွဲမှာရှိမနေတာကြောင့်... ပြိုင်ပွဲနေရာမှာ ဆက်နေချင်တဲ့ စိတ်မရှိတော့တာမို့... နွေဦး ကို ရုံးခန်းပြန်ရန်ပြောလိုက်သည်။
" ဟင်!.. သူဌေးက ဆုပေးပွဲအပြီးအထိ မနေတော့ဘူးလား ဗျ "
ရုံးခန်းပြန်ဖို့ပြောလိုက်ချိန် မေးလာတဲ့ မန်နေ
ဂျာကို....
" နည်းနည်းစိတ်ရှုပ်လာလို့ ... ခင်ဗျားပဲ အဆင်ပြေအောင် ကြည့်လုပ်လိုက်ပါ "
" ဟုတ်ကဲ့ သူဌေး။ ကျွန်တော် ဒီဘက်ကိုအဆင်ပြေအောင် လုပ်ထားလိုက်ပါမယ် "
" အင်း... "
.....@8@
" ဆရာမကြီးက ဘာဖြစ်တာတဲ့လဲ။ စိုးရိမ်ရ
လောက်တဲ့ အခြေအနေမျိုးလား ဆရာမ "
မှီ ဆရာမကြီးတက်နေတဲ့ ဆေးရုံအခန်းကို
ရောက်သွားတော့... ဆေးပိုက်တန်လန်းနှင့် မျက်လုံးတွေမှေးမှိတ်နေတဲ့ ဆရာမကြီးကို တစ်ချက်ကြည့်ပြီး... ဂေဟာကြီးကြပ်သူ ဆရာမကို ဆရာမကြီး အခြေအနေကိုမေးလိုက်ပါ၏။
