🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (24)
🍑🍑🍑🍑🍑🍑🍑🍑🍑🍑🍑🍑🍑🍑🍑
" ဦးရာ သွားတော့မှာလား "
" အင်း.. သွားတော့မယ်။အိမ်မှာပဲ နေနော်။အပြင်
ထွက်ရင်လည်း ဘယ်သွားမယ်ဆိုတာ ကိုယ့်ဆီဖုန်းဆက်ပြောပြီးမှ သွားနော် မီးငယ်လေး "
ဘာလဲ အခု ငါ့ကို စကားလုံးလှလှလေးတွေနဲ့
အပြင်သွားတာကအစ လိုက်ပြီး ချုပ်ချယ်နေတာလား။ဒါကတော့ မဟုတ်သေးပါဘူး။ငါက သူ့ရဲ့
ဟန်ဆောင်ဇနီးပါ။သူ့မိန်းမမှ မဟုတ်တာ ဘယ်သွားသွား ပြောစရာလား။ ဟွန့်.. အမြင်ကပ်လို့
ပြောပါဘူး။
ရာ သူပြောတာကို အင်းမလုပ် အဲမလုပ်နဲ့ တစ်ခုခု ကို တွေးတောနေပုံရတဲ့ မှီ့ ကို...
" မီးငယ်လေး ကိုယ်ပြောတာကို ဘာလို့ ဘာမှ မပြောတာလဲ။ခေါင်းထဲမှာ ကိုယ့်အကြောင်းတွေ
တွေးနေတာလား "
" တွေးစရာလား.. အဖိုးကြီး ကို "
" ဟားဟား "
နှာခေါင်းလေးရှုံ့ကာ ပြောလိုက်တဲ့ မှီရဲ့ ပျစ်ပျစ် နှစ်နှစ်စကားကြောင့်... ရာမှာ အောင့်သက်သက် ရယ်မိ၏။
တကယ်ပါ ဒီကောင်မလေး က သူ့ကို နွေးထွေး
လုံခြုံမှုတွေ ပေးတဲ့အပြင် ရယ်ရအောင်လည်း ပြုစားတက်သေး၏။
" ဦးရာ ကို မှီ တစ်ခုလောက် တိုးတိုးလေး ပြောချင်တာရှိတယ်။ရလား ဟင် "
ကုမ္ပဏီသွားဖို့ ကားပေါ်တက်တော့မယ့် သူ့အနား
ကို လာပြီး တီးတိုးပြောလာတဲ့... မှီ့မှာ သူ့အား အရေးတကြီး ပြောစရာရှိသည် ထင်ပါတယ်။
" ရတယ်လေ ကိုယ့်အနားတိုးပြီး ပြောလေ "
သူ့ဆီက ခွင့်ပြုချက်ရတာနဲ့ ကိုယ်လေးကိုင်းပြီး နား အနားကို တိုးကပ်လာတဲ့ မှီ။
" မီ ဦးရာနဲ့ မိတ်ဆက်ပေးခဲ့တဲ့ အသိအစ်ကိုဆိုတဲ့
အဲရစ်နဲ့ မီရဲ့ ပတ်သက်မှုက မရိုးရှင်းဘူး။သူတို့နှစ်ယောက်ကြားမှာ ဦးရာ ထင်မထားတဲ့ ပတ်သ
က်မှု ရှိနေတယ်။ဦးရာ ကို မှီ ပြောတဲ့စကားကို မယုံရင်လည်းရပါတယ်။ကိုယ်တိုင် စုံစမ်းဖြစ်အောင်တော့ စုံစမ်းလိုက်ပါ "
