🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (38)
🍑🍑🍑🍑🍑🍑🍑🍑🍑🍑🍑🍑🍑🍑🍑
" ဒယ်ဒီ မှီ့ ကို ဘာလို့ ဒီတိုင်း ပြန်လွှတ်လိုက်ရတာလဲ။အဲ့ကောင်မ က မီတို့ကို တစ်ပတ်ရိုက်
လှည့်ကွက်နဲ့ လှည့်စားထားတာလေ "
ဦးလွင်မောင် မှီ ပြန်သွားတာနဲ့ သူ့ကို သောင်းကျ န်းနေတဲ့ သမီးအား...
" ဒယ်ဒီ က ဒီတိုင်း လွှတ်ပေးတာ မဟုတ်ပါဘူး။
နောက်တစ်ခါ ထပ်ပြီး ဒယ်ဒီကို လှည့်စားရင်
အခုတစ်ခါလို ခွင့်လွှတ်မပေးဘူးလို့ ခြမ်းခြောက်ပြောဆိုပြီးမှ လွှတ်လိုက်တာ "
" အဲ့ကောင်မ မှီက ဒယ်ဒီ့ စကားကို နားဝင်မယ်
ကြောက်မယ်များ ထင်နေလား "
" ဒယ်ဒီ့စကားကို မှီ က မကြောက်ရင် သမီးက
ဘာလုပ်မလို့လဲ "
" မီတို့ကို လှည့်စားသွားတဲ့ အဲ့ကောင်မ ကို မီ ဘာလုပ်မလဲဆိုတာ ဒယ်ဒီ စောင့်ကြည့်နေလိုက်။အဲ့ကောင်မ အသက်တော့လုမတက် လန့်သွားရ အောင် မီ လုပ်ပြမယ်။ဒီနေ့အတွင်းပဲ "
" သမီး ဘာတွေလုပ်မလို့လဲ။တစ်ခုခု လွဲချော်သွားရင် ဒယ်ဒီတို့အတွက် လုံးဝမကောင်းဘူးနော်"
မီ ငွေသာလိုချင်ပြီး တစ်ခုခုဆို စိတ်ပူတာက အရင်ဖြစ်နေတဲ့ ဒယ်ဒီ့ ကို အားမလိုအားမရဖြင့်
ကြည့်ကာ...
" ငွေကိုလိုချင်ရင် ငွေရမယ့်နည်းလမ်းကို ရဲရဲဝံ့ဝံံ့နဲ့ အသုံးချမှ ကိုယ်လိုတဲ့ ငွေကို ရမှာ။ဒယ်ဒီ့လို ကြောက်စိတ်ရှိနေရင်တော့... ဘာငွေမှ ရလာမှာ မဟုတ်ဘူး။အဲ့တော့ အခုကစပြီး မီ လုပ်တာကိုသာ စောင့်ကြည့်နေလိုက်ပါ "
" ကောင်းပြီ ဒါဆို ဒယ်ဒီ သမီးကိုပဲ ယုံကြည်နေလိုက်မယ် "
" အိုကေ "
.........................
" ဒီရာ နင် အားရဲ့လား။ငါ နင့်ကို ခေါ်သာ လာရတာ အလုပ်မအားမှာ ဆိုးနေတာ "
" ငါ အားပါတယ် "
" အားတယ်ဆို ပြီးတာပဲ။ဒါနဲ့ ငါနင့်ကို အခုလို
ခေါ်လာတာကို နင့်အမျိုးသမီး သိရင် ကြိုက်ပါ့မလား မသိဘူးနော်။ငါလည်း ရန်ကုန်မြို့ရဲ့လမ်းတွေကို သေချာမသိတော့... မြန်မာပြည်မှာ တစ်ယောက်တည်းရှိတဲ့... သူငယ်ချင်းဖြစ်တဲ့
နင့်ကိုပဲ အကူညီတောင်းမိတာ။တကယ်လို့ နင့်အမျိုးသမီး စိတ်ဆိုးရင်တော့ ငါ လာပြီး ရှင်းပြပေးပါ့မယ် ဒီရာ "
