🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (16)
🍑🍑🍑🍑🍑🍑🍑🍑🍑🍑🍑🍑🍑🍑🍑
" မီ သမီး ဘယ်သွားမလို့လဲ "
" အဲရစ်ဆီသွားမလို့ ဒယ်ဒီ "
" အဲရစ်ဆီလား.. မသွားခင် ဒယ်ဒီ သမီးနဲ့ စကား
ပြောချင်တယ်။ခဏလောက် ထိုင်ဦး "
အပြင်သွားမယ့် မီ.. ဒယ်ဒီ က စကားပြောချင်တယ်ဆိုတာကြောင့် ဧည့်ခန်းက ထိုင်ခံမှာ ဝင်ထိုင်လိုက်သည်။
" ဘာပြောမလို့လဲ ဒယ်ဒီ "
" ဒယ်ဒီ့ အထည်စက်ရုံက အခု တော်တော်လေး
အရှုံးပေါ်နေတယ်။နောက်အဓိကလုပ်ငန်းကြီးဖြစ်တဲ့ နိုင်ငံခြားကိုရောင်းချနေတဲ့ တရားမဝင် သစ်အရောင်းအဝယ်ကလည်း မှောင်ခိုစျေးကွက်မှာ အဖမ်းအဆီးတွေများနေလို့ ပြီးခဲ့တဲ့လရော ဒီလရော သစ်တွေက မရောင်းရတဲ့အပြင်.. တောထဲကနေ ဆိပ်ကမ်းကိုတောင်မချနိုင်လို့.. ဒယ်ဒီ့ ငွေတွေလုပ်ငန်းထဲမှာ နစ်မြုပ်သွားတယ်။အထည်စက်ရုံဘက်ကလည်း ဝန်ထမ်းတွေ လစာတွေကပေးရမယ့်ရက်ကို ရောက်တော့မယ်။အဲ့ဒါ သမီးဒယ်ဒီ့ကို ငွေနည်းနည်းလောက်ကြံပေးစမ်းပါ။မှီ့ကို အသုံးချပြီးတော့ မင်းဒီရာဆီကနေ ဖြစ်ဖြစ်ပေါ့။ဒယ်ဒီ့မှာ ငွေကတော်တော်လေး အခက်အခဲဖြစ်နေတယ် "
" အဖိုးမင်းဒီရာဆီမှာ ငွေချေးကြည့်ပါလား "
" အရင်ယူထားတာတောင် ပြန်မပေးနိုင်သေးတာ
ထပ်ယူလို့မဖြစ်ဘူး။နောက်ပြီး ဒယ်ဒီ့ရဲ့ သစ်လုပ် ငန်းက တရားမဝင်ဆိုတာ ဘုန်းမင်းဒီရာတို့မြေးဖိုးနှစ်ယောက်လုံး သိလို့မဖြစ်ဘူး။သစ်လုပ်ငန်းက အပြင်လူမသိအောင် သတိထားပြီး လုပ်ရမယ့် အလုပ်ပဲ။မဟုတ်ရင် ဒယ်ဒီ့တို့အတွက် အန္တရာယ်ရှိလာနိုင်တယ် "
" ကျစ်!.. စောစောစီးစီး စိတ်ရှုပ်လိုက်တာ။မီ ကြံကြည့်လိုက်မယ် "
" သမီး အရမ်းလည်း စိတ်ညစ်မနေပါနဲ့။ မှီ့ကို တောင်းခိုင်းထားတဲ့ ရတနာတွေ ရလာရင် ဒယ်ဒီလိုတဲ့ငွေကို ဖြေရှင်းရတာက ပိုလွယ်သွားမှာပါ "
