🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (8)
🍑🍑🍑🍑🍑🍑🍑🍑🍑🍑🍑🍑🍑🍑🍑
" ကြီးမေ ဦးရာ ကို တွေ့မိသေးလား.. "
" တူကြီးရာ ကို မေးတာလား မီလေး.. "
" အင်း.. ဟုတ်တယ် ကြီးမေ။မီ နိုးလာတော့ အခန်းထဲမှာ မတွေ့လို့လေ "
" တူကြီးရာ က နွေဦး နဲ့ အပေါ်ထပ် ဝန်းရံတာဘေးက Gymအခန်းမှာ ခြေထောက်အတွက် လေ့
ကျင့်ခန်း လုပ်နေတယ်လေ "
" အခုမှ မနက်ငါးနာရီခွဲကျော်ပဲရှိသေးတာလေ။လေ့ကျင့်ခန်း လုပ်တာက စောနေသလိုပဲ "
" တူကြီးရာ ဒီနေ့လေ့ကျင့်ခန်း လုပ်တာက ခါတိုင်းနေ့တွေ လေ့ကျင့်ခန်း လုပ်တဲ့... အချိန်ထက် ဒီနေ့က စောပိုတယ်။နွေဦး က ခြောက်နာရီမှ လာ
နေကျလေ။ဒီနေ့ တူကြီးရာ က စောလာဖို့ ဖုန်းဆက်ခေါ်လို့တဲ့ဆိုပြီး မနက်ငါးနာရီခွဲကြီး အိမ်ကို
အပြေးအလွှားနဲ့ ရောက်လာတယ်လေ "
" ဦးရာ က စောစောနိုးလို့ထင်တယ်။အာ့ကြောင့်
လေ့ကျင့်ခန်းကို စောစောလုပ်တာနေမယ် "
" တူကြီးရာ စောစောနိုးတာထက် မီလေး စောစော နိုးတာက ပိုထူးဆန်းနေသလိုပဲ။အိပ်လို့မရလို့လား.. မီလေး "
ကြီးမေ အမေးကို မှီ ရယ်ကျဲကျဲ မျက်နှာလေးဖြင့်...
" အိပ်လို့မပျော်လို့ ထရင်းနဲ့ အဖိုးအတွက် နံနက် စာကို ကြီးမေနဲ့အတူ ပြင်ဆင်ပေးချင်လို့ ဆင်းလာတာ။ကြီးမေ နံနက်စာ အတွက် ဘာပြင်ထား
လဲ ဟင် "
" နံနက်စာလား.. ကြီးမေလည်း ဘာလုပ်ပေးရင်
ကောင်းမလဲ စဥ်းစားနေတာ။သူဌေးကြီး ကို အား
ရှိတာမျိုးလေး လုပ်ပေးမလားလို့။ဦးလုံးပြောတာလေ သူဌေးကြီး ညက အပူတော့ မတက်ပေ
မယ့် ခဏခဏ နိုးနေတယ်တဲ့။အခုလည်း ခြံထဲမှာ လမ်းဆင်းလျှောက်နေလို့ နောက်ကနေ ဦးလုံး
က လိုက်စောင့်ကြည့်နေရတယ်။မူးလဲမှာဆိုးလို့
လေ "
" ဟုတ်လား.. အာ့ဆိုလေ မှီတို့ အဖိုးအတွက် ဖက်ထုပ်ပြုတ်လေး လုပ်ပေးမလား ကြီးမေ။အဆာကို အဖိုး အားရှိအောင် အသားနဲ့လုပ်မယ်
လေ "
