🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (41)
🍑🍑🍑🍑🍑🍑🍑🍑🍑🍑🍑🍑🍑🍑🍑
" ဘယ် ဘယ်သူနဲ့ ရတဲ့ ကိုယ်ဝန်လဲ မီ "
အံ့သြတုန်လှုပ်နေတဲ့ မာမီ က မီ့ပခုံးနှစ်ဖက်ကို
ကိုင်ကာ မေးသည်။
မီ မာမီ့မျက်လုံးတွေနဲ့ အကြည်မစုံနိုင်တာကြောင့်
ဘေးကိုလွဲဖယ်ပြီး...
" အဲရစ်နဲ့ရတဲ့ ကိုယ်ဝန်ပါ "
" ဘာ! အဲရစ်နဲ့ ဟုတ်လား "
" ဟုတ်တယ် "
" ဘာလို့ အဲရစ်နဲ့ ကိုယ်ဝန်ရရတာလဲ။ဒီတိုင်း တွဲတဲ့အနေထား မဟုတ်ဘဲ ဘယ်လောက်အဆင့်တွေထိ တွဲနေကြလို့... ကိုယ်ဝန်ကရရတာလဲ။ဘုန်းမင်ဒီရာ ကို ဘယ်လို စကားတွေနဲ့ပြောပြီး
ဘယ်လိုတွေ မျက်နှာ ပြကြမှာလဲ။
သမီး ကို နည်းကောင်း လမ်းကောင်းတွေပဲ ရှေ့ကနေ သင်ပြပေးနေတဲ့ ဖအေပီသသူကြီး
ကိုလွင်မောင် ရှင် အခုကိစ္စကို ဘယ်လို လုပ်မှာလဲ ပြောကြစမ်းပါ ရှင်တို့ သားဖတွေ "
ဦးလွင်မောင် သမီးကို ပြောနေရင်းက... လက်ဖဝါးနှစ်ကို ခပ်တင်းတင်းဆုပ်ပြီး...
ဒေါသမျက်ဝန်းတွေနှင့် သူ့ဘက်ကိုလှည့်ပြီး
ခပ်ရွဲ့ရွဲ့ပြောလာတဲ့... ဇနီးသည်ကို အမြင်မကြည်သလို ကြည့်ပြီး...
" ပြဿနာတစ်ခုကို အေးအေးဆေးဆေး ဖြေရှင်းဖို့ မတွေးဘဲ... ဦးနှောက်နဲ့ စဥ်းစားညဏ်မရှိနဲ့ အပူတပြင်းနဲ့ ဖြေရှင်းဖို့ဘဲ သိတဲ့ မင်းက တကယ်စိတ်ပျက်ဖို့ ကောင်းတယ် သီသီကျော်။ငါ့သမီးကိစ္စကို ငါ့တို့သားဖတွေ ရှင်းမယ်။မင်းဘာသာအေးဆေးနေ "
" သမီးတစ်ယောက်လုံး ကိုယ်ဝန်ရှိနေတဲ့ ကိစ္စကို
ကျွန်မက မဆိုင်သလို နေရမယ်တဲ့လား။ကျွန်မကလည်း သမီးကို မွေးထားတဲ့ အမေပါ ကိုလွင်မောင်။သမီးကိစ္စ က ကျွန်မ ကိစ္စပဲ။အဲ့တော့ ကျွန်မလည်း ပါရမှာပဲ။အခုချက်ချင်း အဲရစ်ကိုဖုန်းဆက်ပြီး အိမ်ကို လာခိုင်းလိုက် မီ သမီး "
" ဘာလုပ်ဖို့လဲ အဲရစ် ကို "
" ဘာလုပ်ရမှာလဲ.. သူနဲ့ ရတဲ့ ကိုယ်ဝန်ပဲ သူ့ကို
တာဝန်ယူခိုင်းပြီး လက်ထပ်ခိုင်းရမှာပေါ့ "
