🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (27)
🍑🍑🍑🍑🍑🍑🍑🍑🍑🍑🍑🍑🍑🍑🍑
" မြေးမလေး လက်ထဲက ဘာတွေလဲကွယ့် "
" ဦးရာ ဝယ်လာပေးတဲ့ ချောကလက်နဲ့ နှင်းဆီပန်းပါ အဖိုး "
" ဟေ့.. အဲ့ဒါ ကိုယ် ဝယ်လာတာ မဟုတ်ဘူးလို့ ပြောတယ်လေကွာ "
မှီ့အဖြေစကားပင် ဆုံးတောင်မဆုံးသေး နောက်ကနေလိုက်ဝင်လာတဲ့ ဦးရာ က သူမဝယ်ကြောင်း
အတင်း ဝင်ပြောနေသည်မို့.. မှီနောက်ဘက်က လူကြီးကို အမြင်ကပ်စွာနဲ့ မျက်စောင်းလှည့်ထိုးပြီး...
" အဖိုးရေ... ဝယ်လာတာ မဟုတ်ဘူးတဲ့။ဦးရာ က
သူ့ကို စျေးဆိုင်က အကြွေအဖြစ် ပြန်အမ်းလိုက်တာတဲ့လေ "
" ဟေ! ဟုတ်လား.. "
မှီ အဖိုးအနားက ထိုင်ခုံမှာ ဝင်ထိုင်ရင်ပြောတော့
အဖိုးကပါ မှီ့လက်ထဲကဟာတွေကို ကြည့်ပြီး အံ့သြသွားသည်။ဟိုကြီးကတော့ ဘယ်သူ ယုံယုံမယုံယုံ ငါလိမ်လို့ရပြီးရောဆိုတဲ့ ရုပ်ကြီးနဲ့ရှိနေလေရဲ့...။
မှီလည်း လိမ်ညာသူကြီးကို အမြင်ကပ်တာကြောင့် မျက်စောင်းတွေသာ ပိတ်ထိုးနေမိသည်။
" ငါ့မြေး ဝယ်တဲ့ စျေးဆိုင်က ပြန်အမ်းတာ ထူးဆန်းလိုက်တာ။အဖိုး က မြေးမလေး လက်ထဲက ချောကလက်နဲ့ နှင်းဆီပန်းကိုတွေ့တော့... ဒီနေ့က ဗယ်လင်တိုင်းနေ့မို့လို့ မြေးမလေးအတွက် မြေး ဝယ်လာပေးတယ် ထင်နေတာ။အဖိုး ထင်တာ မဟုတ်ဘူးပေါ့ မြေး "
လူကိုလိမ်ပြောလို့ မျက်စောင်းတွေကြိီး တဒိုင်းဒိုင်း ထိုးလွှတ်နေတဲ့... မီးငယ်လေးကြောင့် လူက
ဇောချွေးပင် ပျံချင်နေတာကို.. အဖိုးကပါ လူကို
ပြုံးဖြီးဖြီး မျက်နှာကြီးနဲ့ မေးလာပြန်တော့... နေရာကနေပင် အငွေ့အဖြစ်သာ ပြောင်းသွားလို
က်ချင်တော့သည်။
အဖိုးကိုတော့ လိမ်ညာပြီးမဖြေချင်ပေမယ့်...
မီးငယ်လေးကိုတော့ အမှန်တိုင်း ပေးသိဖို့က ကိုယ့်စိတ်က လက်မခံနိုင်ဖြစ်နေတာကြောင့်... အဖိုးကိုပါ လိမ်ညာရတော့သည်။
