🍑ဖြူစင်သူ မင်းအတွက်
(or) အစားထိုးခံ သတို့သမီး🍑
အခန်း (37)
🍑🍑🍑🍑🍑🍑🍑🍑🍑🍑🍑🍑🍑🍑🍑
" ကိုယ့်ဆီမှာ အလုပ်မလုပ်ချင်တော့တာ ဘာလို့လဲ။မှီလေးမှာ ဘာပြဿနာ ရှိလို့လဲ။မှီလေးမှာ
ရှိတဲ့ အဆင်မပြေမှုနဲ့ ပြဿနာတိုင်းကို ကိုယ်
ဖြေရှင်းပေးနိုင်တယ်။ကိုယ့်ကို အကုန်ပြော
မှီလေး "
မှီ အလုပ်မလုပ်တော့ဘူးပြောတာနဲ့ ပြူးပြူးပျာပျာနဲ့ မေးတော့တဲ့ ကိုကြီးသော။
" မှီ့မှာ ဘာအခက်အခဲမှ မရှိပါဘူး ကိုကြီးသော "
" အဲ့ဒါဆို ဘာလို့ ကိုယ့်အနားမှာ အလုပ်မလုပ်ချင်ရတာလဲ "
အလုပ်စားပွဲမှာ ထိုင်နေတဲ့ ကိုကြီးသော က ဝတ်ထားတဲ့ ရှပ်အင်္ကျီလက်ကို တံတောင်နားထိ ခေါက်တင်ရင်း မှီ ထိုင်နေတဲ့ ဆိုဖာခုံတွေဆီကို
လျှောက်လာသည်။
" မှီ့မှာ ဘာပြဿနာမှ မရှိပါဘူး။အဆင်လည်းပြေပါတယ် ကိုကြီးသော "
သော မှီလေးစကားကြောင့် မျက်ခုံးတစ်ဖက် ပင့်တက်သွား၏။
" ပြဿနာလည်းမရှိ အဆင်လည်း ပြေနေတာကို အလုပ်မလုပ်ချင်ဘူးတဲ့လား...။မဟုတ်မှ ကိုဘုန်းမင်းဒီရာ က မှီလေး ကိုယ့်ဆီမှာ အလုပ်နေနေတာကို သိသွားပြီး၊မှီလေး ကို ကိုယ့်ဆီမှာ အလုပ်မလုပ်ရဘူးလို့ ပိတ်ပင်တားဆီးလို့လား.. "
မှီ့ရှေ့က ခုံမှာဝင်ထိုင်းရင်း မေးတဲ့ ကိုကြီးသော က အဖြေပြန်ပေးမယ့်... မှီ့မျက်လုံးတွေကို မျက်
တောင်မခပ်တမ်း ကြည့်နေသည်။
မှီလည်း အပြုံးယဲ့ယဲလေးနဲ့ ကိုကြီးသော ကို ပြန်ကြည့်ပြီး...
" ဦးရာ က မှီ ကိုကြီးသောဆီမှာ အလုပ်လုပ်တာကို သိသွားတာတော့ မှန်ပါတယ်။ဒါမယ့် မှီ
ကိုကြီးသောဆီမှာ အလုပ်လုပ်တာကိုတော့.. တားဆီးတာမျိုး မရှိပါဘူး။မှီ့ကို ခွင့်ပြုပေးပါတယ် "
သူ့ဆီမှာ မှီလေး အလုပ်လုပ်တာကို ကိုဘုန်းမင်းဒီရာ က ခွင့်ပြုပေးတယ်တဲ့လား။ဒါဆို မှီလေးက
ရော ကိုဘုန်းမင်းဒီရာ က ခွင့်ပြုရဲ့သားနဲ့ ဘာလို့
အလုပ်မလုပ်ချင်တာလဲ။
