Tie me down ( yizhan )[completed]

တောင်တန်းတွေဆီဟန်နီးမွန်း(Unicode)

*ဟိုပြောင်းဒီပြောင်းနဲ့ရှာရခက်မှာစိုးလို့  S2ကိုဒီမှာပဲပေါင်းရေးပါ့မယ်။အပိုင်းကလည်း သိပ်မများတော့ အဆင်ပြေအောင်ပါ *

                          <<<<>>>>

လပ်ထပ်ပြီးသုံးလခန့်အကြာ …

"အချစ် ဒီနေရာက မြေပုံထဲမှာမပါဘူး ကိုယ်တို့ဘယ်နေရာမှာ ရောက်နေတာလည်း "

"GPSမှအလုပ်မလုပ်တော့တာ မသိတော့ဘူး ! "

ဘာပဲဖြစ်ဖြစ်အားမစိုက်ချင်တော့တဲ့ရှောင်းကျန့်ကိုကြည့်ပြီးဝမ်ရိပေါ်က သက်ပြင်းတစ်ချက်ချလိုက်သည်။သေးသေးမွှားမွှားလေးကအစသူဂရုစိုက်ပေးနေကြဆိုတော့ ဘာပဲဖြစ်ဖြစ်သူ့ကိုပဲအားကိုးချင်တဲ့စိတ်က ကြီးစိုးလာနေပြီဖြစ်သည်။

ဒီတောင်တန်းတွေကိုလာချင်တယ်ဆိုလို့ ဟန်နီးမွန်းအနေနဲ့ရွေးချယ်ခဲ့ပြီး ပိတ်ရက်ကို overtimeတွေအစားဆင်းပေးပြီး မရမက ရက်ချိန်းယူထားရတာ။ဒီရောက်တော့ သဘာဝရှုခင်းတွေက သဘောကျချင်စရာကောင်းပေမဲ့ မီး၊ရေ၊အင်တာနက်အခက်ခဲတွေအတော်ရှိသည်။အပန်းဖြေစခန်းတွေနဲ့ မြို့လေးထဲမှာပဲ အဆင်ပြေနေတာ ဒီလိုအစွန်ဖျားကနေရာတွေမှာတော့ အတော်ကိုအခက်ကြုံရသည်။လာချင်တဲ့စိတ်လေးပဲရှိတာ အခုတော့ သူ့အချစ်ကခြေကုန်လက်ပန်းကျနေပြီ။မြေပုံကလည်း မသဲမကွဲ လမ်းပြလည်းမပါလာ အင်တာနက်ကလည်းမရဆိုတော့ ဒီတစ်ခါတော့ တကယ်ကိုကံဆိုးမိုးမှောင်ကျနေပြီ။

"အားးး ကိုကို ငါတကယ်စိတ်တိုလာပြီ !ဘာလို့လမ်းတွေကဒီလောက်ရှုပ်နေတာလည်း "

််ရှောင်းကျန့်က ညည်းညူပြီး သစ်ပင်ခပ်ကြီးကြီးက ငုတ်တစ်ခုမှာ ခြေပြစ်လက်ပြစ်ထိုင်ချလိုက်သည်။သူအခုအရမ်းပင်ပန်းနေပြီ။တစ်နေကုန်လမ်းလျှောက်နေရတာ 
ဘာမှလည်း မစားရသေးဘူး။ဓာတ်ပုံတွေရိုက်ပြီး ယောကျာ်းနဲ့ရိုချင်လို့ လမ်းပြတောင်မခေါ်လာဘူး။အခုတော့…

"အချစ်တွေ့ရာနေရာလျှောက်မထိုင်နဲ့မြွေပါးကင်းပါးနဲ့ "

ဝမ်ရိပေါ်ကပြောရင်းဆိုရင်း ရှောင်းကျန့်ရဲ့လက်မောင်းတစ်ဖက်ကိုဆွဲထူပြီး တင်းပါးကိုပုတ်ကာ အမှုန်အမွှားတွေခါထုတ်ပေးလိုက်သည်။အချစ်ကအဆိုးလေး !