Unicode
အခန်း (၆၂) - ခေါင်းမာသောသူ
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - Snowtowel
" ကျွန်မ ရှင့်ကို သတိပေးတယ်။ ရှင့်ရဲ့ အဲအစ်မကို ကျွန်မတို့ ရန်စလို့မဖြစ်ဘူး။ ပုန်းရှောင်နေတာ ပိုကောင်းတယ်။ ရှင် သူမကိစ္စတွေကို ဝင်မစွက်ဖက်ရဘူး ကြားလား " တတိယယောင်းမလင်းက ချက်ချင်း အမိန့်ပေးသည်။
အရင်တုန်းက သူမယောက်ျားက သူမ(လင်းချင်းဟယ်)အတွက် ထင်းသယ်ယူပေးခဲ့ပေမယ့် စစ်အင်္ကျီက သူမယောက်ျားလက်ထဲ မရောက်ဘဲ ဒုတိယခဲအိုလက်ထဲပဲ ရောက်သွားသည်။ တတိယမောင်လေးလင်းဖြစ်သူက ထိုကိစ္စကို စိတ်ထဲမထည့်သော်လည်း တတိယယောင်းမလင်းကတော့ ဒေါသထွက်ခဲ့သည်။
" ဘယ်လိုလုပ် ငါက ဝင်စွက်ဖက်နိုင်မှာလဲ။ ငါမှာ ပိုက်ဆံမှ မရှိတာ " တတိယမောင်လေးလင်းက ထုတ်ဖော်ပြောသည်။
" အရင်တစ်ခါ ရှင် အသေးစားအလုပ်သမားအဖြစ် အလုပ်သွားလုပ်တုန်းက အဲလုပ်အားခကို ပေးပြီမလား " တတိယယောင်းမက မေးသည်။
" သန်ဘက်ခါမှ " တတိယမောင်လေးလင်းက ပြန်ဖြေသည်။
တတိယယောင်းမလင်းက နေ့ရက်တွေကို တွက်ချက်လိုက်သည်။ တတိယမောင်လေးလင်း ပိုက်ဆံရတာနဲ့တစ်ပြိုင်နက် သူမ ချက်ချင်း သိမ်းထားရမယ်။
" နှစ်ယွမ်ပဲ ရမယ်ဆိုတာ သေချာလား " တတိယယောင်းမက သူ့ကို စိုက်ကြည့်ပြီးမေးသည်။
" နေ့လည်စာလည်း ပါတယ်လေ။ မဟုတ်ရင် နှစ်ယွမ် မဟုတ်ဘူး " တတိယမောင်လေးလင်းက စိတ်တိုစွာဖြင့် ပြန်ပြောသည်။
တတိယယောင်းမလင်းက ဘာမှမပြောတော့ဘူး။ တတိယမောင်လေးလင်းက သူ့ကံကို စမ်းသပ်ရန် တောင်ပေါ်သွားချင်တယ်လို့ ပြောလိုက်သည်။ သူက အခု အိမ်မှာ အလုပ်မရှိတော့ သူ့ဇနီးက သူ့ကို မတားဘူး။
တတိယမောင်လေးလင်းသည် လင်းချင်းဟယ်ကို ရှာရန် လာခဲ့သည်။ လင်းချင်းဟယ်သည် လွန်ခဲ့သော နှစ်ရက်က လင်းမိသားစုထံ သွားကာ သူမစိတ်ထဲက မကျေနပ်ချက်တွေကို ပြန်လည်ဖြေရှင်းခဲ့ပြီးပြီ။
