جيت إلك ولهان وعيونك دروب
الكاتبة : عليا الناصر
البارت : الـ 14
أحمد : من شافها قريبة حيل عليه عگد حواجبة ورجع خطوتين لورى حتى يبعد عنها قبل لا تطخ بي وبحده خير خوية مياس شرايده
مياس : بعبرة ليش رجعت خطبتها من جديد وعقدت عليها بس گولي ليش
أحمد : رفع حاجبه دليل إنو ما عاجبة سؤالها هالشي خاص بيه وما أحب أنقاشه ويا أحد
مياس : بحده بس أني مو أي أحد ومو غريبة عليك أني بنت عمك ومن حقي أعرف فجاوبني وريحني شنو اللي خلاك ترضى ترجعلها بعد ما كسرتك وحطمتك وبعد كل اللي سوته بيك وينها كرامتك ونفسك العزيزة وشلون ترضاها على نفسك ترجع تمسك إيد اللي داست عليك وعلى كبريائك وغرورك لو واحد ثاني غيرك كان گلت عادي هذا بلا كرامة ويتقبلها بس إنتَ لا
أحمد : شدخل الكرامة بالموضوع وإنتِ تدرين كلش زين بعده ما إنخلق لو جابته أمه اللي يفكر مجرد تفكير يدوسلي على طرف مو عاد على كرامتي واللي صار بالماضي ما راح أگولچ دفنته وبقى بالماضي لكن أحياناً نضطر نعدي حتى تمشي المركب وما تتوقف
مياس : أفهم من كلامك يعني إنتَ وافقت تتزوجها لأنك ناويلها حتى تنتقم منها على اللي سوته بيك وبعدها تتركها مثل ما هي فشلتك وتركتك قبل
أحمد : بنت عمي الظاهر المسلسلات الهندي هوايه مأثره عليچ أنصحچ تبتعدين عن مشاهدتها وتروحين تقرين كتب أحسنلچ حتى يتفتح عقلچ ترى مو أني اللي أنتقم من مره لا وبعد من الإنسانة اللي أحبها
أنت تقرأ
جيت إلك ولهان وعيونك دروب
ChickLitتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
