الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الـ 44
فهد : فز وإلتفت على اللي صاح بي خيرك شكو لا يكون نجلة گبت خبالاتها عليك وعلى مرتك الجديدة وراحت كفشتها هالجاي تصيح إنتَ وصاير عصبي مثل النار
وضاح : بحده يول بطل كلاواتك ولا تثولها عليه تراني مو واحد من جماعتك هذولا الشرطة السرسرية وإحچي ويايا عدل مثل الأوادم وگلي عمر شبيه إسم الله
فهد : شبيه عين الله تحرسة بنص هالهنود ويطفح بهالگاري ويرجع ليورى ومتونس ويا الزرگات الهناك
وضاح : ليش تخليني أحچي عليك وأهينك صير أدمي ورد علية وجاوبني مثل الأوادم
فهد : عمي أني حيوان قابل بهالشي وما راح أزعل منك تبقى أخوية الچبير ومثل أبوية أبو شاهين الورد ربي يحفظك ويخليك تاج فوگ روسنا صدگ شلونة الزراج الثاني حلو مو بالله شرايك أجربه أني هم
وضاح : أستغفر الله العظيم يول وتالي وياك شلون بيك إنتَ إحچي وفضني عمر من شنهو شيكي شنهو مرضة لا تعل گلبي وتخليني هسة أگوم أصيح عليك وأفضح السالفة گدام الكل
فهد : هي هاي العايزة والظاهر من ورى المخابرات بهذا القندرة شهم وبعمر كلها راح تعرف والله وكيلك أني هم عرفت من ورى مخابرته لعمر لريم وضاح عمر مريض حيل ويجوز يموت ونخسره بأي لحظة وخبرة كل شي عن مرضة
وضاح : ما تحمل وخر راكع بالگاع وهو يردد اللهم لا أسألك رد القضاء ولكني أسألك اللطف فيك ومن دموعة نزلت مسحهن بطارف شماغة
فهد : إنحنى عليه أبو شاهين گول يا الله ووحد الله
وضاح : بغصة وهو لساعة حاني راسة وراكع بالأرض لا إله إلا الله بس هذا عمر تعرف شنو هذا عمر ولك هو أغلى مو من ولدي عليه إلا أغلى من روحي وخنگتة العبرة
أنت تقرأ
جيت إلك ولهان وعيونك دروب
Chick-Litتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
