الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الـ 35
سارة : بعد ما إستوعبت منو اللي گدامها بعد ما تفاجئت أأأ .. أهلاً وسهلاً تفضلوا ودخلتهم
نجلة : زاد فضلچ خالة اللهم صلي على محمد وال محمد وگعدت بغرفة الخطار هي وباسل
باسل : همسلها ورى ما شاف سارة متفاجئة بيهم مو على أساس يدرون بجيتنا طلعتي ما مخبرتهم للعالم لا وفوگاها جبتيني مثل الطلي وياچ وهاچ شوفي البنية شلون متفاجئة بينا وشويه ثانية يغمى عليها من الصدمة
نجلة : ليش ما تنطم وإنتَ شعندك فتت ويايا إمشي روح ولي للسيارة وإنتظرني هناك
باسل : والله ما عدنا نسوان يطلعن وحدهن ودامچ سحلتيني وراچ وجبتيني رجلي على رجلچ
نجلة : بسيطة يا بوسيل أنة إلك ووالله لو ما گاعدين بيت العالم الغربة چان هسة خليت شحاطتي تلعب على ظهرك چوبي عود مان عليه منية چيفن جابني وجي ويايا ودخلي أسمعك فاك حلگك بكلمة وفاضحني يم أبوك وبيت جدك وشوف الإمهات شتجيب
سارة : قدمتلهم مي وضيافة ورجعت شالته لرماح ورجعت ترحب بيهم وهي لساعها متفاجئة بجيتهم أهلاً وسهلاً
نجلة : هلا بيچ خالة هلا حبيبتي هذا الحلو منو
سارة : رماح إبن أخوية طلال
نجلة : الله يخليه ويحفظة الولدة وين شكلها ما موجودة
سارة : إي والله طالعة بس إن شاء الله ما تتأخر وعلى جية
نجلة : إي إن شاء الله شوفي خالة أنة وحدة أحچي طگ بطگ وما أحب أبطن السوالف وأضمضمها وجيتي اليوم عليچ وإنتِ شفتي لوليدي شاهين وعرفتي شلون هو صاحب غيرة وأخو خيته والشهادة لله مو لنه
وليدي بس هو كلها تعرفه وتحمده وتحمد بأخلاقة وهو ذهب مصفى ولا عنده سوالف بنات وخرابيطها ولا أبد ولو ردتي خلي أبوچ الحجي وأخوچ أبو رماح ينشدون عليه وشوفي شلون راح يأكدولچ كلامي وأنة أول ما شفتچ دخلتي گلبي وتمنيتچ تكونين من نصيبة فجيت عليكم أخطبچ إله وأتمنى ما ترديني وتوافقين وطلباتچ أوامر أي شي تريدينه إحنة إن شاء الله نجيبه الچ وما نقصر وياچ
أنت تقرأ
جيت إلك ولهان وعيونك دروب
Chick-Litتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
