الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الــ 84
مـِسك : من ناظرها عمر وهو يتفرس بملامحها لحتى يشوف ردة فعلها وهي تدري صار لازم تحچيله وما تضم عليه تنهدت وأشرتلة سُليمان يحبني
عمر : غمض عيونة بقوة وحاول يهدي نفسة ويمسك أعصابة وما يعصب عليها ويگوم ويكفخها وبحدة رغم حاول ما يبين على صوتة بس ما گدر ومن شوكت هالحچي هذا وليش
مِسك : أشرتلة من شوكت وليش ما أدري عمر إنتَ تدري بية ما أگدر أكذب عليك وإنتَ سألتني وهاي أني جاوبتك
عمر : بس أني ما سألتچ إذا كان يحبچ أو لا
مِسك : أشرتلة إنتَ ما سألتني بس أدري بداخلك هواية أسئلة وعلامات إستفهام بخصوص سُليمان وتريد تعرف وحنت راسها
عمر : مسكها من ذقنها ورفع راسها ماشي زين واحد مثله لهذا سُليمان ليش لحتى يحبچ إلچ إنتِ بالذات ومن شوكت وهو هذا هم يعرف يحب مِسك لا تخبليني تراني بالگوة لازم نفسي منچ لچ هذا يحب أي وحدة يشوفها وگلبة محطة شجاي تخربطين إنتِ وشدراچ بي هو يحبچ لازم إعترفلچ وقشمر عليچ وإنتِ صدگتيه مو وگام وگف وبعصبية لأن بعد ما سيطر على روحة شال الكرسي وضربه بالميز وفلشة مو أني دريت صاير شي هناك يمهم وأكيد الأخ إستغل الفرصة لأن غادة ما تحچي وهي تطمطمله وبقى لازگ يمچ ويقشمر ويضحك عليچ من كيفة لحد ما لحسلچ عقلچ بس العتب مو عليچ العتب عليه أني اللي دزيتچ وبقيتچ هناك يمهم
مِسك : گامت ومسكته من متنة عـ عـمـ مـمـ ررر
إإهـ هـ ددى مـ مـ ا صـ صـارر مـمـ ثـلل
مـ مـا گگ لـلـ تت والله مو هـ هـ ييـچ يـ يـعـعـ ننيي
أنـنـ يي مـمـ ككــ ن أأقـ بـبـل وأأسـ سـ ممـ ححلة
يـ يـضـضـ حـحـك عـعـ للـ يـة ويـيـ ققـ شـشـمرني
بـبـ عـعـدين شـشـ بـبـ يية حـ تى مـ مـا ييحببني هـ هـوو أوو غـغـ ييرة لأننن نـ نـاققـ صصة ومـمـوو
حـ حـالـ لـي حـ حـال البـبـ ننات
عمر : لا يا گلب أخوچ لا تگولين هالحچي هذا إنتِ ست البنات كلهن ولا تاخذين بحچيي وتفسرينة من كيفچ وتراچ فهمتيني غلط أني مو قصدي إنتِ ناقصة وبيچ عيب وإنما من گتلچ ليش حبچ لأني أعرفة يومية ويا وحدة شكل وما يثبت على وحدة وعلى هاي خفت عليچ لأني ما أريدة يستغل نيتچ الطيبة ويضحك عليچ
مِسك : مـ مـا عـ عـاشش الليي يـ ضضـ حـك
عـعـ لـلـ يـيـة وأأنـ نـييي أأ خـ خـ تـتـك وو
تـتـ رربـ يـ تـك عـ عـ مـمـ رر أأنـ نـيي
مـ مـ سسـ تتـحيل أررضـضـى بي دامـ مـك
إنـ نـت مـ مـا مـمـوافق علليـه لأن إنـنـ تتَ تتـ ددري بمـمـ صـصـ للـ حتي أأكـكـ ثـثـرر مـمـ نني
أنت تقرأ
جيت إلك ولهان وعيونك دروب
Chick-Litتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
