جيت إلك ولهان وعيونك دروب

البارت الأربعون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 40

شاهين :  فز عالصوت اللي إجاه من ورى وصاح بي
عووووووووفة
لا تلمسة وتمد إيدك عليه

سارة : ومن إلتفت شاهين عليها وصفن بيها رجعت صاحت بي وهي تسحبة من ذراعة  بكل قوة بإيدها الإثنين وتبعده عن روزگار گتلك عوفة لا تلمسة .. لا تلمسة ما عليك بي

شاهين : وهو يعقد حواجبة سارة شبيچ صوتچ ترانا بالشارع تعال عمو لا تخاف

سارة : تهسترت وراساً سحبتة لروزگار وخلتة وراها ورجعت دفعته لشاهين وهالمرة من صدره وهي تضربه عليه وتصرخ بي عوووفة شتريد منه هااا گولي شتريد منه لك هذا بعده طفل .. طفل لا تتقربله شنو ما تخاف الله إنتَ وطلعتوا كلكم نفس الشي نفوسكم ضعيفة وقذرين وما عدكم ذرة أخلاق الله ياخذكم الله ينتقم منكم يا وسخين

شاهين : بعصبية يولي شجاي تحچين إنتِ وتمسلتين ومسكها من إيدها وهزها إنتِ واعية على روحچ

سارة : إي واعية وعوفني لا تلمسني وتسوخني بقذارتك لا تفكر بعد ما كشفت نفسيتك الحقيرة يا شاذ أقبل تلمسني

شاهين : صاح بيها شقصدچ ولچ باللي حچيتي

سارة : قصدي واضح ما يحتاج شرح يا إبن الشيوخ والله طلعتوا مخباين بثيابكم ومخانيث وطلعت ما تفرق شي عن هذاك العار منتظر وبعد أسفل منه وو ..

شاهين : قاطعها وهو يخزرها وبتهديد رفع إصبعة السبابة بوجهة بسسسسس ولا كلمة والله لوما إنتِ مرة وأني واگف ببابكم چان هسة عرفتج الله حق ودفعها عنه أصلاً أني اللي ما أريد وحدة خبلة وعقلها نص .. نص ومن رادت تعترض صاح بيها إششششش گتلچ ولا كلمة ما أسمع صوتچ مو كافي خرعتيه للولد ورجع على روزگار اللي إنخلس من شافها تصيح وهيچي سوت ودموعه نزلت وبس شهكتة تطلع من صدره تعال عمو يله خلي نكمل وبوسة من خدودة ومسح دموعة ومن تقدمت سارة عليهم ورادت تعترض رجع خزرها حتى تتراجع مو گلنة إنتَ بطل وين أكو بطل يبچي ويخاف وأخذ الغترة من إيده ولفها إله وهاي صارت مثل ما تريد وباسة من خده وراح على سيارتة فتحها وطلع الهدية ورجع على سارة اللي من شافتة تقدم عليها خافت وتراجعت ليورى راساً ما إهتم الها لأن كلش ضاج منها ومن بين سنونة وهو ضاغط عليهن وعلى شوية يكسرهم هاي هديتچ على أساس أنطيها إلچ ورى ما عقدنا بالمحكمة هناك بس نسيت وسحب إيدها خلاها بيها وعافها وراح زعلان شغل سيارتة وطلع طاير