عيد سعيد وكل عام وإنتو بخير وينعاد عليكم بالخير وصحة وسلامة وتقبل الله طاعاتكم وصيامكم
الـكـاتـبـة : عـلـيـا الـنـاصـر
جـيـت إلـك ولـهـان وعـيـونـك دروب
الـبـارت : الــ 97
فهد : عدل گعدته زين بعد ما أنظارهم كلهم إتجهت إله وناظر برهف اللي إحتقن وجهة وصار أحمر دم وعلى شوية تطگ من القهر شطرالك هسة تتقدم وتخطب ومن هوى الراس هيچي خبط لزگ وبدون مقدمات ولا تمهد للموضوع
حسين : وعلى شنو أمهد وأنطيكم مقدمات إنتَ عمي وهي بنتك وإحنة عايشين سوى بنفس البيت فماكو داعي لهالمجاملات التافهة
مرام : بحدة صاحت بي حسسييييين بلا قلة أدب وصير أدمي زواجيش هذا اللي جاي تحچي عنه صاحي إنتَ وينك وين چروخك
حسين : ووينها قلة الأدب بالموضوع عمي وجاي أحچي وياه وخطبت بنته منه تراني كلش أدامي بتصرفي هذا وقابل أني أول واحد يتزوج وهو بهالعمر هذا
مرام : لك يا أمي إفهم الزواج مسؤولية كبيرة وأصلاً جنو بعدها طفلة مو مالت زواج وتتحمل هالمسؤولية هذي
حسين : إي عادي أخطبها هسة وأحجزها إليه وأنتظرها عود لما تخلص سادس ونتزوج مثل ما نور خطبها لدُرة
شهم : وإنتَ جاي تقلده لنور وبعدين الظروف اللي خطب دُرة بيها بهذاك الوكت جبرته يخطبها فلا تقارن نفسك بي ومثل ما گالت خالتك جنو بعدها صغيره مو مالت زواج فتلصم وسد الموضوع ولا بعد تبقى تمسلت وتحچي بي وهم إحنه ما موافقين على هالخبال اللي جاي تسوي وينك ووين الزواج هسة إنتَ توك ناجح من السادس روح كليه وتخرج وتعين يله هذاك الوكت فكر عود تتزوج
حسين : ما عليه بيكم وبرأيكم وكل كلام مالي وياكم أني كلامي ويا عمو فهد ها عمو شگلت شو شايفك ساكت وما نطيتني الزبدة
حميدة : بيبي شجاك متصرگع گبل ما چنت هيچي هذا ياهو لعب بعقلك وخلى ببالك هالسالفة هذي هسة اللي كلش مو وكتها
حسين : أهووووو بيبي النوب إنتِ هم عليه وطبگتي ويا شهم ومرته هييي يا الله هييي وهز بإيده ما عاجبة
مرام : هيهاهية بعينك يا غبي شلون راح يخليني هسة أفتح لساني وأگوم أغرد عليه
أنت تقرأ
جيت إلك ولهان وعيونك دروب
ChickLitتزوجت والدتها بعد وفاة والدها ب10 سنوات وهذا الزوج بدل ما يكون الأب إلها ولأخوها الأصغر منها حل كنقمة عليهم وبالذات عليها خاصةً بعد ما بلشت تبرز ملامحها الإنثوية ومفاتنها ووجدت نفسها مثل الغزالة اللي كانت تحت أنياب ذئب مفترس مستعد لينهش لحمها بأي فر...
